Միանշանակ է, որ լինելու են բախումներ, լինելու է պատերազմ.Ազատ Արշակյան
«Ադրբեջանցիներն ուզում են, որ Երևանն ունենա այն կարգավիճակը, որն ունեն այսօր Վանը, Կարսը:Ադրբեջանի նախագահը հիմա էլ է ասում, որ պետք է սպառազինվեն, հզորացնեն իրենց բանակը` իրենց առջև դրված խնդիրները լուծելու համար: Միանշանակ է, որ լինելու են բախումներ, լինելու է պատերազմ, մենք պետք է պատրաստվենք հետագա պայքարին, անընդհատ պայքար է լինելու, չպետք է նայել` Ռուսաստանն ինչ է ասում, պետք է լարել մեր ուժերը»,- Հայելի ակումբում լրագրողների հետ հանդիպմանը հայտարարեց ԳԽ և ԱԺ նախկին պատգամավոր Ազատ Արշակյանը: «Ամբողջ ընդդիմությունը և ժողովուրդը պետք է պահանջեն պատժել նրանց, ովքեր պատճառ դարձան կորուստների:Ո՞վ է թույլ տվել սահմանին գտնվող զորամասի հրամանատարին արձակուրդ ուղարկել մարտի 30-ին, երբ հաջորդ օրն արդեն պատերազմ էր սկսվելու: Նույնիսկ դպրոցականի մակարդակով հայտնի էր, որ պատերազմ են սկսելու: Դա նշանակում է, որ այստեղ պետք է լինեին պարզաբանումներ, ո՞վ է թույլ տվել, որ արձակուրդ գնա և վերադառնա մի քանի օր հետո: Պատերազմը քթիդ տակ, դու գնում ես արձակո՞ւրդ: Մեղավորները պետք է պատժվեն»,- ասաց նա:
Հետևեք մեզ Viber-ում
