Տնտեսված 88 մլն դրամը վերադարձրել է բյուջե
2015 թվականին ՀՀ քաղաքաշինության նախարարությանը տրվել է 13 մլրդ դրամ, որից 7,246 մլն-ը կապիտալ ծախսերի համար, 1,200-ը՝ ընթացիկ ծախսերի, իսկ 4,600 մլն դրամը պետական ծառայողներին բնակարաններով ապահովելու ծրագրի իրականացման համար: Այս մասին ԱԺ-ում բյուջեի քննարկման ժամանակ հայտարարեց նախարար Նարեկ Սարգսյանը:
«2015թ.-ին իրականացվել է կրթական, մարզական կառույցների հիմնանորոգում, կառուցում, մշակութային օբյեկտների հիմնանորոգում, կառուցում, առողջապահական օբյեկտների, վարչական և միջին մասնագիտական ուսումնական հաստատությունների օբյեկտների 18 նախագծային աշխատանքներ», - մանրամասնեց նա:
Նախարարի խոսքով՝ 130 մլն դրամ տնտեսված միջոցներից 88 մլն-ը վերադարձվել է բյուջե: Բացի այդ, նախարարը վստահեցրեց, որ կապալառուների հետ պայմանագրեր են խզվել, և նրանց կողմից թերի աշխատանքների կատարման համար չի իրացվել 211 մլն դրամ:
«Ընդհանուր առմամբ պետբյուջե է մուտքագրվել լիցենզիաների մասով 310 մլն դրամ և պետական քաղաքաշինական տեսչության կողմից՝ մոտ 48 մլն դրամ: Այսպիսով՝ նախորդ տարիների ցուցանիշերի հետ համեմատած 2014-ին ընդհանուր առմամբ ավարտվող օբյեկտների քանակը կազմել է 38%, 2015-ին ավարտված օբյեկտների քանակը կազմել է մոտ 50%, 2016-ին դա կազմելու է 63%», - ասաց նա:
Հետևեք մեզ Viber-ում
