Ես կխնդրեի Էռնեկյանին` այլ տարբերակ գտնել. Ֆերդինանդ Առաքելյան

«Միակ  ներկայացուցիչն  եմ, որ  հիշում  եմ` ինչպես  գծվեց և  ինչպես  կառուցվեց: Աշխարհում  չկա  քանդելով կառուցել, այլ  կա  կառուցելով  կառուցել: Այն  մարդը, որ  գնել  է,  գտնում  է, որ  հարմար  չի իրեն: Ես  կխնդրեի  Էռնեկյանին  և  մեր  կառավարությանը  գտնել  ուրիշ  տարբերակ, որ  ձեռք  չտան  այդ կառույցին: Ժողովուրդը  սիրում է  այդ  կառույցը»,-այսօր  Հայելի  ակումբում  «Զվարթնոց» օդանավակայանի  կլոր  մասնաշենքի  ապամոնտաժման  հարցի  շուրջ  իր   կարծիքը  հայտնեց   քանդակագործ  Ֆերդինանդ  Առաքելյանը: Նա  կտրականապես  դեմ  է  քանդելուն, քանի որ  քանդելով  մենք  կորցնում  ենք  մեր  մշակութային  արժեքները: «Կոլխոզները  քանդեցին, հիմա  էլ նոր  կոլխոզ  են  ուզում ստեղծել:Արդյունաբերությունը  քանդեցին, ժողովրդին  ստիպեցին, որ  զզվի  իր հողից  և  փախչի»,-ընդգծեց  Ֆերդինանդ  Առաքելյանը`շարունակոլով, որ  իրականում  պայմանավորվածությունը  հետևյալն  է  եղել, որ  երկու  ճարտարապետական  խմբերը  միասին աշխատեն  և  ընդհանուր  որոշում  կայացնեն: «Էռնեկյանը  աշխարհի  շատ  երկրներում  ունի օդանավակայաններ  և  ինքը  գտնում  է, որ  այս  օդանավակայանն  արդիական  դինամիկային  չի  համապատասխանում:Նա  գնում  է  դեպի  պարզության, բայց  կարելի  է  չէ՞   թողնել, կողքերը  կառուցել: Թող  տեղական  թռիչքները  այդտեղով  կատարվեն»,-առաջարկեց բանախոսը: Վերջինս  վստահ  չէ, որ  եթե  այսօր  մեծ  օղակն  են վերացնում, ապա  վաղն  էլ  փոքր  օղակը  չեն  ցանկանա  հանել: «Ինչ  մտավորականության  մասին կարելի  է  խոսք լինել: Մարդիկ  փող  ունեն՝  դնում  են  քանդում են, կառուցում: Օլիգարխիկ  պետություն  է  կառուցվում, դա  է  վատը»,-իր  խոսքը  եզրափակեց   Ֆերդինանդ  Առաքելյանը: Լ.  Միքաելյան