Բաշինջաղյան փողոցում այրված տղամարդը մաշկի 95 տոկոսի այրվածք ունի. մանրամասներ

Երեւանի Բաշինջաղյան փողոցի թիվ շենքերից մեկի մոտ այսօր՝ մայիսի 26-ի գիշերը այրված տղամարդը մաշկի 95 տոկոսի այրվածք ունի: Այս մասին NEWS.am-ին հայտնեցին Ճառագայթային բժշկության եւ այրվածքների հանրապետական գիտական կենտրոնից, որտեղ նա գտնվում է: Քաղաքացին նաեւ շնչուղիների 20 տոկոսի այրվածք ունի, վիճակը ծայրահեղ ծանր է: Նրա անձը դեռ պարզ չէ: Հիշեցնենք, որ ԱԻՆ-ում այսօր՝ մայիսի 26-ին, ժամը 00.43-ին տեղեկություն էր ստացվել, որ Երեւանի Բաշինջաղյան փողոցի թիվ 180 շենքի մոտ քաղաքացի է այրվում: Մինչ հրշեջ-փրկարարների կանչի վայր հասնելը՝ հրդեհը մարվել է տեղի ուժերով. քաղաքացին տարբեր աստիճանի այրվածքներով հոսպիտալացվել է Բժիշկները տուժածի առողջական վիճակը գնահատել են ծայրահեղ ծանր: Հրշեջ-փրկարարները «Սանիթեք» ՍՊԸ-ի աղբամանին հարակից նկատել են այրվող կուտակված աղբ (1 խմ), որը մեկուսացրել են ժամը 01.06-ին, մարել՝ 01.10-ին: