Բաքուն կմիջնորդի՞ Ռուսաստանի ու Թուրքիայի հարաբերությունների բարելավման հարցում

РИА Новости գործակալությունը հայտնում է,որ Ադրբեջանի նախագահի՝ հասարակական-քաղաքական հարցերով օգնական Ալի Հասանովը հայտարարել է,որ  Բաքուն պատրաստ է աջակցել Ռուսաստանի ու Թուրքիայի միջև հարաբերությունների բարելավմանը. Թուրքիայի ու Ռուսաստանի հարաբերությունները ճգնաժամ են ապրում 2015 թվականի նոյեմբերի 24-ից ի վեր, երբ թուրքական կործանիչը թուրք-սիրիական սահմանի մոտ խոցեց ռուսական Սու-24 ռմբակոծիչը։ Ալի Հասանովը հայտարարել է, որ Ռուսաստանի ու Թուրքիայի միջև առկա լարվածությունը չի կարող չանհանգստացնել Ադրբեջանին, որն այդ պետություններից յուրաքանչյուրի հետ «բարձր մակարդակի ռազմավարական գործընկերության հարաբերություններ ունի»։ «Ինչպես նշել է նախագահ Իլհամ Ալիևը, Ադրբեջանը սերտ պատմական կապերով է կապված այդ պետությունների հետ, և այդ լարվածության պատճառով նա անհանգստություն ու ափսոսանք է զգում։ Պետության ղեկավարը պատրաստակամություն է հայտնել ջանքեր գործադրել Թուրքիայի ու Ռուսաստանի միջև լարվածության թուլացման համար»,-ասել է Հասանովը։ Վլադիմիր Պուտինը դա «թիկունքից հարված» էր որակել՝ հօգուտ ահաբեկիչների, ու Թուրքիայի նկատմամբ մի շարք տնտեսական պատժամիջոցներ էր սահմանել։ Թուրքիայի նոր վարչապետ Բինալի Յըլդըրըմն ասել է, որ Անկարան շարունակելու է Ռուսաստանի հետ հարաբերությունների կարգավորմանը ձգտել բանակցությունների միջոցով։