Վանում պայթյունի հետևանքով 6 թուրք զինծառայող է սպանվել

Ըստ Demokrathaber-ի՝  ներկայիս Թուրքիայի տարածքում գտնվող հայկական Վան քաղաքի Չալդըրան շրջանում պայթյուն է որոտացել, ռումբը պայթեցվել է զինվորական մեքենայի անցնելու պահին:

Պայթյունին հաջորդած բախումների ընթացքում մահացել է վեց զինվոր, ևս երկուսը՝ վիրավորվել: Նշվում է, որ մահացածներից մեկը բարձրաստիճան զինվորական է:

Ավելի վաղ թուրքական լրատվամիջոցները հայտնում էին 5 զոհի մասին: «Մայիսի 24-ին՝ ժ. 17.00-ի սահմաններում Վան նահանգի Չալդըրան-Աղր ճանապարհին PKK-ի անջատողականներն այրել են 10 բեռնատար: Դեպքի վայր ժամանած զինվորականների զրահապատ մեքենան պայթեցվել է ահաբեկիչների կողմից»,- ասված է Թուրքիայի ԶՈւ գլխավոր շտաբի հայտարարության մեջ: Նշվում է, որ կատարվում են քուրդ զինյալներին հայտնաբերելու ու ոչնչացնելու գործողություններ: >