ԵԱՀԿ-ն դատապարտել է Թուրքիայում պատգամավորական անձեռնմխելիության վերացումը
ԵԱՀԿ խորհրդարանական վեհաժողովի նախագահ Իլկա Կանևրան և ԵԱՀԿ ժողովրդավարական ինստիտուտների ու մարդու իրավունքների գրասենյակի տնօրեն Մայքլ Ջորջ Լինքը մտահոգություն են հայտնել Թուրքիայի խորհրդարանում ընդունված սահմանադրական փոփոխության առաջարկի առնչությամբ, որը նախատեսում է վերացնել այն պատգամավորների անձեռնմխելիությունը, ում գործով դատարանը հետաքննություն է անցկացնում: Այս մասին տեղեկացնում է ԵԱՀԿ գրասենյակը: Հայտարարության մեջ Կանևրան ընդգծել է, որ պատգամավորների անձեռնմխելիությունը հանդիսանում է որպես ազատ գործելու երաշխիք, մինչդեռ դրա վերացումը ռիսկի տակ է դնում Թուրքիայում իշխանությունների տարանջատումը` վնասելով երկրի խորհրդարանական կյանքի բազմակարծությանը: «Թուրքիան ԵԱՀԿ 56 երկրների հետ պարտավորվել է աջակցել քաղաքական բազմակարծությանը և տրամադրել քաղաքական կուսակցություններին ու կազմակերպություններին անհրաժեշտ օրենսդրական երաշխիքներ` թույլ տալով մրցել միմյանց դեմ օրենքի և իշխանությունների առաջ հավասարության սկզբունքի հիման վրա: Մենք թուրքական իշխանություններին հորդորում ենք տեր կանգնել այս հանձնառությանը»,- նշել է Լինքը:
Հետևեք մեզ Viber-ում
