Վրաստանի և Թուրքիայի նախագահները հանդիպել են
«Գրուզիա օնլայնը» հայտնում է,որ Ստամբուլում ընթացող Համաշխարհային հումանիտար առաջին գագաթաժողովի շրջանակում Վրաստանի նախագահը հանդիպել է Թուրքիայի նախագահ Ռեջեփ Թայիփ Էրդողանի հետ, որի ընթացքում քննարկել են երկու երկրների միջև քաղաքական, տնտեսական, մշակութային հարաբերությունները: Էրդողանը ու Մարգվելաշվիլին քննարկել են Վարշավայում կայանալիք ՆԱՏՕ-ի գագաթաժողովին առնչվող հարցեր: Կողմերը քննարկել են նաև կարևոր ռազմավարական նախագծեր, որոնք երկու երկրները իրականացնում են Ադրբեջանի հետ: Քննարկվել է «Բաքու-Թբիլիսի-Կարս» երկաթուղին, որի ժամանակ Էրդողանը հույս է հայտնել, թե այս տարի նախագիծը կավարտվի: «Հանդիպմանը Թուրքիայի նախագահը նշել է, որ Վրաստանն անպայման պետք է դառնա ՆԱՏՕ-ի անդամ»,- Էրդողանի խոսքերը փոխանցել է Մարգվելաշվիլիի ադմինիստրացիայի պետ Գեորգի Աբաշիշվիլին:
Հետևեք մեզ Viber-ում
