Ստատուս քվոն կարող է հանգեցնել ռազմական լուրջ բախումների. Մամեդյարով
Ադրբեջանական Trend լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը Բրյուսելում ելույթ է ունեցել Արևելյան գործընկերության երկրների արտգործնախարարների նիստում, որի ժամանակ անդրադարձել է Ղարաբաղյան հակամարտության կարգավորմանը:Ինչպես ասել է՝ արդյունավետ բանակցությունները կարող են ելք լինել այդ իրավիճակից ու տարածաշրջան բերել երկար սպասված խաղաղությունն ու կայունությունը: « Շփման գծում իրավիճակի վերջին սրացումը հարուցել է տագնապ և ցույց է տվել, որ գոյություն ունեցող ստատուս-քվոն կարող է հանգեցնել բռնության և ռազմական լուրջ բախման: Բոլորը հասկանում են, որ ստատուս-քվոն անհուսալի է, ոչ հետևողական ու անընդունելի: Չնայած Ադրբեջանին «կեղտոտ ռումբերով» սպառնալու մասին հայտարարությունը վկայում է, որ Հայաստանը նման մտադրություն չունի: Մենք կոչ ենք անում միջազգային հանրությանը ուշադիր քննել Հայաստանի կողմից իր ստանձնած պարտավորությունների կատարման փաստը՝ համաձայն զանգվածային խոցման զենքի չտարածման մասին կոնվենցիաների»,- հայտարարել է Մամեդյարովը:
Հետևեք մեզ Viber-ում
