Ողբերգական դեպք Երևանում. «Աղի ջրեր» կոչվող լճակում հայտնաբերվել է կնոջ դի

Այսօր, մայիսի 22-ին, ողբերգական դեպք է տեղի ունեցել Երևանում: Ժամը 18:00-ի սահմաններում, ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Էրեբունի վարչական շրջանի Գաջեգործների փողոցին հարակից «Աղի ջրեր» կոչվող լճակում կնոջ դի կա: Ինչպես հայտնում է shamshyan.com-ը, օպերատիվորեն ժամանել է ոստիկանության Էրեբունու բաժնի օպերատիվ խումբը` բաժնի պետ Գևորգ Հակոբյանի գլխավորությամբ: Դեպքի մասին ոստիկանության Էրեբունու բաժնից տեղեկությունը փոխանցել են Հայաստանի քննչական կոմիտեի Երևանի քննչական վարչության Էրեբունի և Նուբարաշեն վարչական շրջանների քննչական բաժին, որտեղից ժամանել է քննիչ Վազգեն Վարդանյանը, ում կողմից փաստի առթիվ նյութեր են նախապատրաստվում: Ժամանել է նաև դատական բժիշկը, ում տված նախնական եզրակացության համաձայն, դիակի վրա բռնության հետքեր չկան: Ըստ նախնական տեղեկությունների և ստացված օպերատիվ տվյալների, կինը, որը կլիներ 35-40 տարեկան, «Աղի լճերում» լողանալու ժամանակ կորցրել է ինքնազգացողությունը և հանկարծամահ եղել:   Մանրամասները՝ սկզբնաղբյուր կայքում