«Արմանը լավ երգիչ է, ցավում եմ, որ ընկել է Լիլիթի և Վահրամի խելքին». Քրիստ Մանարյան

Օրերս հայ հանրության շրջանում մեծ աղմուկ բարձրացրեց հայկական շոու-բիզնեսի երկու հայտնի ներկայացուցիչների` Արման Հովհաննիսյանի եւ Լիլիթ Հովհաննիսյանի դուետը (այն կոչվում է «Իմ բաժին սերը»): Համացանցում բուռն կերպով քննադատվեց թե՛ երգը, թե՛ դրա կատարումը: Սոցցանցերի օգտատերերից շատերը կարծիք հայտնեցին, որ Լիլիթ Հովհաննիսյանի ամուսնու` Վահրամ Պետրոսյանի հեղինակած ստեղծագործությունը «արաբա-թուրքական կլկլոց է», եւ որ հատկապես ՀՀ վաստակավոր արտիստին (Արման Հովհաննիսյանին) հարիր չէ այդ աստիճան ընկնել կոմերցիայի հետեւից` մոռանալով ազգայինի մասին: Ոմանք նույնիսկ նկատեցին, որ մեր զինվորները սահմանը պաշտպանում են թուրքից, այնինչ մեր մշակույթը թուրքականից «ազատագրել» ոչ մի կերպ չի ստացվում: Նշենք, որ «Իմ բաժին սերը» Youtube-ում արդեն դիտվել է մոտ 1 միլիոն անգամ: Լիլիթ Հովհաննիսյանն էլ շտապել է ֆեյսբուքյան գրառում անել իրենց գրանցած «հաջողության» մասին: Երգահան Քրիստ Մանարյանը «Ժողովուրդ»-ի հետ զրույցում անընդունելի համարեց նման երգի կատարումը. «Արմանը լավ երգիչ է, լավ արտիստ է, ցավում եմ, որ ընկել է նրանց խելքին (նկատի ունի Լիլիթին եւ Վահրամին-Ա.Ս.): Թեեւ այնպես չէ, որ ինքն առաջին անգամ է մուտք գործում այդ դաշտ. Արմանի մոտ այդ ձգտումը միշտ էլ եղել է, բայց այս պարագայում նրանք բոլոր սահմաններն արդեն անցան: Կուզենայի գոնե Արմանն այդ աստիճան չիջներ»,-ասաց նա: Մանրամասները՝ Armlur.am-ում: