Միայն Ռուսաստանի հարևաններն են գիտակցում, թե որքան վտանգավոր է նա. Լեհաստանի ՊՆ
Միայն Ռուսաստանին սահմանակից երկրներն են քաջ գիտակցում, թե որքան մեծ է նրանից բխող վտանգը: Այդ մասին Corriere della Sera-ին տված հարցազրույցում հայտարարել է Լեհաստանի պաշտպանության նախարար Անտոնի Մացերևիչը: Նա նաև նշել է, որ Ռուսաստանը «խոսում է Բալթյան երկրների կամ Լեհաստանի վրա հարձակվելու ցանկության մասին», իսկ Լեհաստանը պարզապես ցանկանում է պաշտպանվելու հնարավորություն ունենալ: «Մյուս երկրները չեն գիտակցում իրավիճակի լրջությունը, որը նման է այն իրավիճակին, որը եղել է նախքան Ղրիմի անեքսիան: Այն ժամանակ ՆԱՏՕ-ն չէր հասկանում, թե ինչ է լինելու»,- ասել է Մացերևիչը: Նա հայտարարել է, որ Լեհաստանը «յուրաքանչյուր օր ենթարկվում է ռուսական սադրանքներին», և նշել, որ անհրաժեշտ է ավելացնել ՆԱՏՕ-ի ռազմական ներկայությունը դաշինքի արևելյան սահմանին:
Հետևեք մեզ Viber-ում
