Ո՞րն է եղել Արտաշես Մամիկոնիչի ամենամեծ «պաեդինոկը» Սերժ Սարգսյանի հետ
«Հրապարակ» թերթի տեղեկություններով, Արտաշես Մամիկոնիչն սպասում է, որ Սերժ Ազատիչն ազատվի, որ իր նոր գրքերի պրեզենտացիան անի, իսկ դրանք բավականին շա՜տ են: Պարոն Գեղամյան, իսկ հիշո՞ւմ եք, թե մի ժամանակ ինչե՜ր էիք ասում Սերժ Սարգսյանի հասցեին։ «Հրապարակ»-ի հարցին ի պատասխան Գեղամյանն ասել է. «Ես ընդունում եմ իրեն որպես անհատականություն և որպես արժանավոր լիդեր, ընդ որում՝ ոչ միայն Հայաստանի, այլև ամբողջ հայության։ Հիշեք նրա ամենահամարձակ քայլերը հանուն հայության, ու ես շատ լավ գիտեմ` ինչ եմ ասել, ինչու: Հա, ես քննադատել եմ իրեն, Սերժ Սարգսյանն է․․․ նու, շրխկոցով պատասխանել է ինձ: Մենք 2007թ. դեկտեմբերին երկուստեք մտերմիկ զրույցի ժամանակ հասկացանք ամենակարևորը, որ երկուսս էլ շատ ենք սիրում մեր երկիրը, և այդով ամեն ինչ ավարտվեց»: Ամենամեծ «պաեդինոկը» ո՞րն է եղել նրա հետ։ «Պաեդինոկ, որպես այդպիսին, չի եղել, ավելի շատ ես լարված հարաբերություններ եմ ունեցել Ռոբերտ Քոչարյանի հետ: Սերժ Սարգսյանը, այն ժամանակ լինելով Պնախարար, ի պատիվ իրեն` տղամարդավարի ու համոզմունքով պաշտպանել է Քոչարյանին. մեր հակասությունն այդ հողի վրա էր»: Հրեն, ասում են՝ Քոչարյանը հետ է գալիս քաղաքականություն։ «Չեմ կարծում, շարունակեմ ասելիքս. Սերժ Սարգսյանը քինախնդիր մարդ չէ, քինախնդիր են լինում թույլերը»»:
Հետևեք մեզ Viber-ում
