Ինչ են խոսել Օբաման և Էրդողանը

Սպիտակ տունը հայտնում է,որ  ԱՄՆ-ի և Թուրքիայի նախագահներ Բարաք Օբաման և Ռեջեփ Թայիփ Էրդողանը հեռախոսազրույց են ունեցել, որի ժամանակ քննարկել են Սիրիայում իրավիճակն ու ԴԱԻՇ ահաբեկչական խմբավորման դեմ պայքարը: «Երկու ղեկավարները քննարկել են Սիրիայում ստեղծված վիճակն ու համաձայնել, որ անհրաժեշտ է ԴԱԻՇ-ի ոչնչացման շտապ ջանքների գործադրումն ու Թուրքիայում, Եվրոպայում ու դրա սահմաններից դուրս ԴԱԻՇ-ի կողմից իրականացվող ահաբեկչությունները կանխելը: Օբաման «կարևորել է միջազգային համագործակցության անհրաժեշտությունը ու հրադադարի ռեժիմի պահպանումը՝ Սիրիայում իշխանության փոխանցման քաղաքական բանակցություններում առաջընթաց գրանցելու համար»: Երկու երկրներն էլ քննարկել են բոլոր ահաբեկչական խմբավորումների դեմ պայքարում համագործակցության խորացման հարցը, ներառյալ՝ «Քրդական աշխատավորական»կուսակցության դեմ պայքարը: Այդ համատեքստում Օբաման վերահաստատել է ԱՄՆ-ի հավատարմությունը Թուրքիայի անվտանգությանը՝ որպես ՆԱՏՕ-ի դաշնակցի»,- ասված է հաղորդագրությունում։