Սահմանին այս պահին համեմատաբար հանգիստ է. Սեյրան Օհանյան

Իրավիճակը սահմանին այս պահին համեմատաբար հանգիստ է, կառավարության նիստից առաջ լրագրողների հետ զրույցում հայտարարեց ՀՀ պաշտպանության նախարար Սեյրան Օհանյանը: «Եթե համեմատենք, ապա այսօր ամենաքիչն են եղել կրակոցները: Մենք համագործակցում ենք Լեռնային Ղարաբաղի Պաշտպանական բանակի հետ և ըստ ստացված տղեկատվության ՊԲ որոշ ստորաբաժանումներ՝ գտնվելով առաջին գծում, վերահսկում են իրավիճակը և պատրաստ են իրենց առջև դրված խնդիրը այսօր էլ լուծել», - ասաց նա: «Առաջինը, պետք է զերծ մնալ բոլոր տիպի խախտումներից՝ կրակոցներ, դիվերսիոն հետախուզական գործողություններ, և նաև միջազգային հետաքննության մեխանիզմներ ծավալել, որոնք հնարավորություն կունենան խախտման դեպքում պարզել, թե որ կողմն է խախտել և  նաև թիրախային քննադատություն կատարել: Մենք միշտ կողմնակից ենք եղել դրան, վերջին բանակցությունների ընթացքում կարծես թե խոսք գնաց դրա մասին: Հանրապետության նախագահը բազմաթիվ անգամ կրկնել է, որ մենք կողմնակից ենք և կտեսնենք, թե հակառակ կողմն ինչպես է դրան վերաբերում: Հայաստանի Հանրապետության և Լեռնային Ղարաբաղի Հանրապետության պաշտպանության նախարարության կողմից բազմիցս միակողմանի  իրականացվել են նշված միջոցառոումները, այսինքն՝ դադարեցվել են կրակոցները, և խախտումների դեպքում մենք միակողմանի հետաքնննություն ենք անցկացրել և ներկայացրել միջազգային հանրությանը: Կարծում եմ, որ ցանկացած վեճի արդյունքում խաղաղ լուծման համար պայմաններ ստեղծելու իրավիճակը վստահություն ստեղծելն է»,-ասաց նա: