Բաքուն մեղադրել է Associated Press-ին
Ադրբեջանի ԱԳՆ-ն բողոքի նամակ է ուղարկել Associated Press գործակալություն` կապված Լեռնային Ղարաբաղի մասին նյութի հետ: Այդ մասին հայտարարել է նախարարության մամլո քարտուղար Հիքմեթ Գաջիևը, հայտնում է lenta.ru-ն: Ադրբեջանի իշխանությունները դժգոհ են մնացել Associated Press-ի հոդվածից` նվիրված Հայաստանի և Ադրբեջանի նախագահների Վիեննայի հանդիպմանը: Գաջիևի խոսքերով` գործակալությունը նշել է, որ հայերը Լեռնային Ղարաբաղում գրավել են 12 հազար քառ․կմ, այն ժամանակ երբ «Հայաստանի կողմից օկուպացված ադրբեջանական հողերի մակերեսը հավասար է 17 հազար քառ․կմ», որից 4.4 քառ․կմ հանդիսանում է Լեռնային Ղարաբաղի տարածք: Բաքվին նաև վրդովեցրել է «վեճ» բառը, որը Associated Press-ն օգտագործել է հայ-ադրբեջանական հակամարտության վերաբերյալ: Բացի այդ, Ադրբեջանի ԱԳՆ-ում համարում են, որ գործակալությունը փորձել է հակամարտությանը հաղրոդել կրոնական երանգ: «Հայ-ադրբեջանական հակամարտության հիմքում ընկած է Հայաստանի տարածքային պահանջները Ադրբեջանի նկատմամբ, ադրբեջանական հողերի օկուպացիան ուժի կիրառմամբ` միջազգաին իրավունքի խախտմամբ, արյունոտ էթնիկ մաքրում Ադրբեջանի խաղաղ բնակչության նկատմամբ»,- ասել է ԱԳՆ ներկայացուցիչը: Գաջիևը միջազգային գործակալությանը կոչ է արել ճշտել նյութը և «ուշադրություն դարձնել այլ անհանգստություն առաջացնող կետերին»:
Հետևեք մեզ Viber-ում
