Կիսվել լուրով

Ռոբերտ Նազարյանի որդու և հարսի խոշոր բիզնեսը Պրահայում. hetq.am

Поделиться

ՀՀ հանրային ծառայությունները կարգավորող հանձնաժողովի նախագահ Ռոբերտ Նազարյանի որդու ընտանիքը բիզնես եւ սեփականություն ունի Չեխիայում: Ռ. Նազարյանը 2001-2003 թթ. Երեւանի քաղաքապետն էր, 2003-ից պաշտոնավարում է ՀԾԿՀ-ում: «LEMAR INVEST» 2008-ի օգոստոսի 14-ին Լեւոն Նազարյանն ու կինը՝ Մարինե Գեւորգյանը, Պրահայում հիմնադրել են «LEMAR INVEST» ՍՊԸ-ն (իրենց անունների առաջին վանկերից), որի գործունեության տեսակ է նշվել անշարժ գույքի, բնակարանների ու գրասենյակային տարածքների վարձակալությունը: Կանոնադրական կապիտալը 200.000 չեխական կրոն է (մոտ 4 մլն դրամ), ինչն օրենսդրորեն սահմանված նվազագույն չափն է: Հիմնադրման պահին ամուսինները 50-ական տոկոս մասնաբաժին ունեին ՍՊԸ-ում: Ի սկզբանե միակ տնօրենը եղել է Լ. Նազարյանը, 2010-ին նրան է միացել նաեւ կինը, իսկ 2014-ի հունվարի 21-ից միակ փայատերն ու տնօրենը Մարինե Գեւորգյանն է: Մինչեւ 2009 թ. «LEMAR INVEST»-ը գրանցված էր մայրաքաղաքի Ժիժկով (Žižkov) թաղամասում, այնուհետ տեղափոխվել է Հոլեշովիցե (Holešovice) թաղամասի Վարհուլիկովե 1579/16 հասցե (Varhulíkové 1579/16): Այս շենքում սեփականության իրավունքով բնակարան ունի 32-ամյա Լեւոնի կինը՝ 31-ամյա Մարինե Գեւորգյանը, որտեղ էլ, ըստ էության, գրանցվել է ընկերությունը: Նշենք, որ ամուսինները ՀՀ քաղաքացիներ են, հաշվառված են Երեւանի Արաբկիր 39 փողոցի տներից մեկում: Այստեղ են հաշվառված նաեւ Ռոբերտ Նազարյանն ու կինը՝ Սվետլանա Խառատյանը: ՀՀ բարձրաստիճան պաշտոնատար անձանց էթիկայի հանձնաժողովի կողմից հրապարակվող հայտարարագրերում Լեւոնի տվյալները չկան, քանի որ պաշտոնյաների ամուսնացած զավակները, թեկուզ եւ նրանց հետ ապրող, չեն համարվում փոխկապակցված անձինք: Ռ. Նազարյանի դեպքում այդպիսին միայն կինն է:

«Pohodlné Bydlení»

Լեւոն Նազարյանը 2014-ի փետրվարի 26-ին Պրահայում հիմնադրել է «Pohodlné Bydlení» ՍՊԸ-ն (թարգմանաբար նշանակում է հարմարավետ կեցություն): Ընկերությունը գրանցելիս Նազարյանի լիազորված անձ է հանդես եկել Չեխիայում ժամանակավոր կացության կարգավիճակ ունեցող ՌԴ քաղաքացի Քսենիա Բոյկոն: Այս ընկերությունն էլ զբաղվում է անշարժ գույքի, բնակարանների ու գրասենյակային տարածքների վարձակալությամբ: «Pohodlné Bydlení»-ի կանոնադրական կապիտալը նույնպես 200.000 չեխական կրոն է: Ընկերության միակ փայատերն ու տնօրենը Լեւոն Նազարյանն է: Այս ՍՊԸ-ն եւս գրանցված է Վարհուլիկովե 1579/16 հասցեում (Varhulíkové 1579/16):

«BORANO SCI Finance». ընտանեկան բիզնես

Լեւոն Նազարյանը ներգրավված է եւս մեկ չեխական ընկերությունում: 2011-ին նա դարձել է «BORANO SCI Finance» բաժնետիրական ընկերության տնօրենների խորհրդի անդամ: Այս ընկերությունը հիմնադրվել է 2007-ի մայիսին Բռնո քաղաքում չեխերի կողմից եւ կոչվել «AFTER DARK» (անվանափոխվել է 2008-ին): Ընկերության կապիտալն ի սկզբանե 2 մլն կրոն է (շուրջ 40 մլն դրամ): Սա նույնպես զբաղվում է անշարժ գույքի, բնակարանների ու գրասենյակային տարածքների վարձակալությամբ: 2011-ի դեկտեմբերի 21-ին ընկերությունն անցել է հայերին. տնօրենների խորհրդի անդամ են դարձել Կոտայքի մարզի Առինջ գյուղի գրանցում ունեցող 60-ամյա Բորիս Հովհաննիսյանը, նրա որդին՝ 25-ամյա Նորայր Հովհաննիսյանը, ով հաշվառված է Արաբկիր 51 փողոցում, եւ Լեւոն Նազարյանը: Չեխիայի իրավաբանական անձանց հանրային ռեգիստրում «BORANO SCI Finance»-ի բաժնետերերի մասին տվյալներ կան միայն 2007-2010 թթ. վերաբերյալ: Թե ով կամ ովքեր են բաժնետեր ներկայում, հայտնի չէ, չնայած կարելի է ենթադրել, որ տերերը հայեր են, ու եթե ոչ նշված անձինք, ապա նրանց շրջապատը: Բանն այն է, որ 2011-ի դեկտեմբերի 21-ից «BORANO SCI Finance» ԲԸ-ի դիտորդական խորհրդի անդամներն են Բորիս Հովհաննիսյանի կինը՝ Անահիտ Գրիգորյանը (որդու հետ նույն հասցեում է հաշվառված), Լ. Նազարյանի կինը՝ Մարինե Գեւորգյանը, եւ Երեւանի Այգեձոր փողոցի բնակիչ 35-ամյա Կիմ Ռաֆիկի Եգանյանը՝ ՀՀ միգրացիոն պետական ծառայության պետ Գագիկ Եգանյանի եղբոր որդին: Այսինքն՝ կարելի է ասել, որ «BORANO SCI Finance»-ն ընտանեկան բիզնես է: Ընդգծենք, որ հայերին անցնելուց հետո ընկերությունը Բռնոյից տեղափոխվել է Պրահա՝ Վարհուլիկովե 1579/16, որտեղ բնակարան ունի Մ. Գեւորգյանն ու գրանցված են նրա եւ ամուսնու ընկերությունները:

«BORANO». հայկական էստաֆետ

Չեխիայի մայրաքաղաքի վերոնշյալ հասցեում սեփականություն ունի եւս մի ընկերություն, որի արմատները հայկական են: Խոսքը «DOLLARSTONE CZ» ՍՊԸ-ի մասին է, որը հիմնադրվել է 2006-ի օգոստոսին Պրահայում բնակվող Մհեր Գամջյանի (20 %-ի փայատեր), Արտեմ Սահակյանի (20 %) եւ ՀՀ քաղաքացի Լիլիթ Ասատրյանի (60 %) կողմից: Վերջինս գործարար Ալբերտ Երիցյանի որդու՝ Ռոբերտի կինն է: Ներկայում հետախուզվող Ռ. Երիցյանի, ինչպես նաեւ Լիլիթի ու Մհեր Գամջյանի մասին գրել ենք (տեսԳագիկ Խաչատրյանի դեմ մահափորձի ենթադրյալ կազմակերպիչն ու հայտնի գործարարի որդին բիզնես ունի Չեխիայում): Ընկերութունը ստեղծումից մինչեւ 2008 թ. զբաղվում էր մասնագիտացված մանրածախ եւ ընդհանուր առեւտրով, իսկ 2008-ից՝ առեւտրով ու ծառայությունների մատուցմամբ: 2007-ի ապրիլին ՍՊԸ-ն ձեռք է բերել Բորիս Հովհաննիսյանը, որին հետագայում միացել է որդին՝ Նորայրը: Բ. Հովհաննիսյանը փոխել է ընկերության անունը՝ դարձնելով «BORANO» ՍՊԸ: Մինչեւ 2009-ը ընկերությունը գրանցված էր Մ. Գամջյանի բնակության հասցեում, իսկ 2009-ի հուլիսին տեղափոխվել է Վարհուլիկովե 1579/16: Չեխիայի անշարժ գույքի կադաստրի տվյալներով՝ այս հասցեում ընկերությունը սեփականության իրավունքով մեկ բնակարան ունի, որտեղ էլ, թերեւս, գրանցված է: Բնակարանը ձեռք է բերվել հիպոթեքով 2009-ին: 2015-ի նոյեմբերի 24-ին «BORANO» ՍՊԸ-ն Հովհաննիսյաններից գնել է Ալեքսան Զաքարյանը, որը ներկայում դրա 100 տոկոսի փայատերն է: Ալեքսանը եղբոր՝ Գուրգենի հետ Հայաստանում հիմնադրել է «Էլիպս Ջի Էյ» եւ «Սեքյուրիթի Դրիմ» ընկերությունները, որոնցից առաջինը հայտնի է անվտանգության համակարգերի, իսկ երկրորդը՝ երթեւեկությանը հետեւող տեսախցիկների ու արագաչափերի տեղադրմամբ:

Զաքարյանների «Elfnet Group»-ը     

Երեւանի բնակիչներ Ալեքսան եւ Գուրգեն Զաքարյանները իրենց կանանց՝ Գայանե Վերդյանի եւ Կարինե Զաքարյանի հետ 2008-ի նոյեմբերի 5-ին Պրահայում հիմնադրել են «Elfnet Group» ՍՊԸ-ն, որի գործունեության ոլորտը եղել է անշարժ գույքի, բնակարանների ու գրասենյակային տարածքների վարձակալությունը, հետագայում ավելացվել են նաեւ արտադրության, առեւտրի ու ծառայությունների մատուցման որոշ տեսակներ: Տնօրենը Ալեքսան Զաքարյանն է, որը նաեւ 70 տոկոսի փայատերն է, մյուս երեքն ունեն 10-ական տոկոս: «Elfnet Group»-ը գրանցված է Ժիժկով թաղամասի Տաբորիցկա 464/10 (Táboritská 464/10) հասցեում: Ընկերությունն այս հասցեում 3 տիպի սեփականություն ունի. 1 բնակարան եւ գործնական նշանակության տարածք, ինչպես նաեւ համատեղ սեփականության կարգով ավտոտնակ: Աղբյուրը՝ hetq.am   

Поделиться
դիտվել է 24 անգամ
Հետևեք մեզ YouTube-ում Հետևեք մեզ Facebook-ում Հետևեք մեզ Telegram-ում Հետևեք մեզ Viber-ում
LIVE
Լրահոս
«Ո՞վ կգլորի մեզ համար քարը գերեզմանի» Վեհափառի հանդիսապետությամբ Վեհարանում կատարվել է Սուրբ Հարության Տնօրհնեք Նալբանդյան գյուղում բախվել են «Opel Astra»-ն և «ՎԱԶ 2106»-ը․ վերջինը վերածվել է մոխրակույտի Վարորդը Հայանիստում «Mercedes»-ով բախվել է արգելապատնեշներին և հայտնվել ձորակում․ կան վիրավորներ Սկսվում է նրա նոր կյանքը և այդ նոր կյանքը մենք պարտավոր ենք կերտել միասին՝ հանուն ՀՀ-ի․ Սարգսյան Զորի Բալայանը Արցախյան գոյամարտի գաղափարական ռահվիրաներից էր, Հայրենիքի անձնուրաց նվիրյալ․ Օհանյան Մինչև չմերժենք չար գործերն ու կորստաբեր քայլերը, չենք կարող հաստատել զարթոնք ու ծաղկում․ Վեհափառ «Նոր Ձորաբերդ» ռեստորանից գողություն են կատարել․ վնասը կազմում է 6 մլն դրամ Բեյրութի հայկական շրջաններում պայթյուններ չկան, բայց դրանց սարսափելի ձայները լսվում են 21-ամյա վարորդը հիվանդանոցում մահացել է. Մարգարա-Վանաձոր հատվածում բախվել են «Kia»-ն և «ՎԱԶ 2107» ԵՄ-ին միանալուց հետո Հայաստանը Ռուսաստանի հետ օդային կապ չի ունենա. ՌԴ փոխվարչապետ Համախմբման առանցք՝ «Ուժեղ Հայաստան». քաղաքական դաշտում ձևավորվում է նոր կենտրոն․ «Փաստ» Դավիթի ինքնազգացողությունն այսօր ավելի վատ էր․ պաշտպան Բալայանը Արցախյան շարժման գաղափարախոսներից էր, դա արտացոլված է իր թողած գրական ժառանգության մեջ Հույս ունեմ` այս գիշեր «Բուշեր» օդանավակայանից տարհանված աշխատակիցները կհասնեն Հայաստան Ապրիլի առաջին կիրակին երկրաբանի մասնագիտական տոնն է․ ԶՊՄԿ-ն տեսանյութ է հրապարակել Քարը գլորված է ոչ միայն Քրիստոսի համար, այլ մարդու համար, ով հավատաում է, որ մահը վերջին խոսք չունի Թող Սուրբ Հարության ավետիսը ուղղորդի ձեզ կասկածների պահին, երբ ամեն ինչ մթագնած է թվում․ Սրբազան Խաթարվում է մեր ժողովրդի հոգևոր անվտանգությունը. բռնենք արհավիրքները հաղթահարելու ուղին. Սրբազան Մահացել է ղարաբաղյան շարժման մասնակից Զորի Բալայանը «Չկա անարդարություն, որ արդարությամբ չհաղթահարվի». Մասյացոտնի թեմի առաջնորդ Հոգեշնորհ Տեր Ռուբեն վարդապետ Զարգարյան
ԱՄԲՈՂՋ ԼՐԱՀՈՍԸ
Ամենաընթերցվածները
Սկսվում է նրա նոր կյանքը և այդ նոր կյանքը մենք պարտավոր ենք կերտել միասին՝ հանուն ՀՀ-ի․ Սարգսյան 1 Մահացել է ղարաբաղյան շարժման մասնակից Զորի Բալայանը 2 Տեղումնառատ եղանակ է սպասվում 3 ՀԿ-ները դիմել են Գլխավոր դատախազին 4 Ֆիզիկական ներգործություն և կողոպուտ. 5 անձ ձերբակալվել է 5
Շուտով
Ապրիլի 6-ին՝ ժամը 12։00-ին, Հայելի ակումբի հյուրն է Գյուլնարա Ալեքսանյանը Ապրիլի 6-ին՝ ժամը 14։00-ին, Հայելի ակումբի հյուրն է Հայկ Այվազյանը Ապրիլի 6-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Ապրիլի 6-ին՝ ժամը 10։30-ին, Հայելի ակումբի հյուրն է Տիգրան Չոբանյանը Ապրիլի 3-ին՝ ժամը 15։00-ին, Հայելի ակումբի հյուրն է Նարե Սոսեն Ապրիլի 3-ին՝ ժամը 14։00-ին, Հայելի ակումբի հյուրն է Ռուբեն Հակոբյանը Ապրիլի 3-ին՝ ժամը 11։00-ին, Հայելի ակումբի հյուրն է Հայկ Նահապետյանը Ապրիլի 2-ին՝ ժամը 14։30-ին, Հայելի ակումբի հյուրն է Գառնիկ Դանիելյանը Ապրիլի 2-ին՝ ժամը 13։30-ին, Հայելի ակումբի հյուրն է Արա Վարդանյանը Ապրիլի 2-ին՝ ժամը 16։00-ին, Հայելի ակումբի հյուրն է Կարապետ Պողոսյանը
Հետևեք մեզ Viber-ում https://cutt.ly/5wn8sJBS
Hayeli.am