Էրդողանի պատկերը՝ Հիտլերի կերպարով ՝Բեռլինում Թուրքիայի դեսպանատան պատի վրա/տեսաշար/

The Independent-ը գրում է ,որ  Բեռլինում Թուրքիայի դեսպանատան շենքի վրա հայտնվել է Թուրքիայի նախագահ Ռեջեփ Թայիփ Էրդողանի պատկերը` Ադոլֆ Հիտլերի կերպարով,  նկարիչները թուրք առաջնորդի դիմանկարին ավելացրել են Հիտլերին բնորոշ գծեր` բեղեր և նացիստական ժապավեն: Բացի այդ, պատի վրա հայտնվել է գրառում` «Նա վերադարձել է»: Պատկերը պատի վրա ներկայացվել է պրոյեկտորի միջոցով: Նկարի հեղինակներն են գերմանական Pixel Helper խմբի ակտիվիստները: Իրենց ակցիայով նրանք ցանկացել են դժգոհություն հայտնել Թուրքիայում 2 լրագրողների ազատազրկման վերաբերյալ: «Մենք` գերմանացիներս, գիտենք՝ ինչ է տեղի ունենում բռնապետության վաղ փուլերում: Վաղ նացիստական ռեժիմի և Էրդողանի Թուրքիայի միջև նմանությունը վախեցնող է: Էրդողանը պետք է կանգնեցվի, քանի դեռ չափազանց ուշ չէ»,- ասել է խմբի անդամներից մեկը: