Բագրատյանը հունից դուրս եկավ

ԱԺ հերթական քառօրյայից առաջ, ԱԺ արտաքին հարաբերությունների հանձնաժողովում տեղի ունեցավ «Արցախի Հանրապետությունը ճանաչելու մասին» պատգամավորներ Զարուհի Փոստանջյանի և Հրանտ Բագրատյանի հեղինակած օրինագծի քննարկումը,որի  արդյուքում  այն չանցավ՝ ստանալով բացասական եզրակացություն:Օրինագիծը ստացավ 1 կողմ, 1 դեմ, հանձնաժողովի մնացած 6 անդամները չեն մասնակցել քվեարկությանը։ ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը կարծիք  հայտնեց, որ Արցախն անկախ պետություն է ու այն կայացած է, ավելի կայացած, քան Ադրբեջանը, որն ունի միջազգային ճանաչում: «Հայաստանի այսօրվա խնդիրն այն է, որ ոչ թե մենք ինքներս ճանաչենք Արցախի անկախությունը ու փակենք բանակցային ճանապարհը, այլ Արցախի պետականության ճանաչումը հասցնենք նրան, որ միջազգային հանրույթյունն ինքը ճանաչի Արցախի սուվերենությունը, ցանկանա համագործակցել այդ երկրի հետ:Միայն Ադրբեջանն է, որ չի ցանկանում՝ Արցախի անկախությունը ճանաչվի»,-ասաց Զաքարյանը` հավելելով, որ այսօր դեռ այն պահը չէ, որ մենք ճանաչենք ԼՂՀ անկախությունը: ՀՀ ԱԺ պատգամավոր, ՀՀ արտաքին գործերի նախկին նախարար Ալեքսանդր Արզումանյանն էլ համաձայն է Զաքարյանի այն տեսակետի հետ, որ այսօր վաղ է ընդունել Արցախի անկախությունը: Հրանտ Բագրատյանը տաքացավ նրանց ելույթներից հետո . «Բա ե՞րբ է գալու հարմար ժամանակը, ինչքա՞ն պիտի սպասենք այդ հարմար ժամանակին», - ասաց Բագրատյանը: