Ադրբեջանը դրել է Հայաստանի տնտեսական քայքայման հարցը.քաղաքագետ
«Մոդուս Վիվենդի» վերլուծական կենտրոնի ղեկավար Արա Պապյանը Հայելի ակումբում լրագրողների հետ հանդիպմանը հայտարարեց,որ Ադրբեջանը չի լուծում ղարաբաղյան խնդիրը: Նա դրել է Հայաստանի քաղաքական, տնտեսական և բարոյական ոչնչացման հարցը:Ղարաբաղի հարցը ընդամենն առիթ է Ադրբեջանի այդ նպատակի համար։ «Ակնհայտ է, որ Ղարաբաղի խնդիրը չի կարող լուծվել բանակցությունների միջոցով։ Ադրբեջանը դնում է այդ ամբողջ տարածքից հայկական զորքերի դուրսբերման հարցը։ Հետևաբար, խնդիրը շատ պարզ է՝ կամ մենք կոչնչացնենք Ադրբեջանին կամ Ադրբեջանը՝ մեզ:Հայաստանը պետք է Ադրբեջանին զրկի պատերազմելու հնարավորությունից»: : «Դրա համար երկու ճանապարհ կա. նախ պետք է Ադրբեջանին զրկել մարդկային ռեսուրսներից, այսինքն` ուժեղացնել այդ երկրի էթնիկ ու կրոնական խմբերի հետ աշխատանքը, որպեսզի դրանք մեր դեմ չպայքարեն, երկրորդ՝ պետք է լուծել նավթի ու գազի արտահանման հարցը: Ադրբեջանը տասնամյակներ շարունակ իրականացրել է Հայաստանի շրջափակման քաղաքականություն: Մենք պետք է իրականացնենք այդ նույն քաղաքականությունը, որպեսզի Ադրբեջանը չկարողանա նավթ ու գազ արտահանել»,- նշեց փորձագետը:
Հետևեք մեզ Viber-ում
