Մոսկվայում ծեծկռտուքի գործով ավելի քան 90 մարդու են ձերբակալել

Մոսկվայի Խովանի գերեզմանատան ծեծկռտուքի գործով ավելի քան 90 մարդու են ձերբակալել, հայտնում է «ՌԻԱ Նովոստի»-ն՝ վկայակոչելով ՌԴ ՆԳՆ մամուլի ծառայությունը։ «Ոստիկանության աշխատակիցները ավելի քան 90 մարդու են ձերբակալել եւ նրանց ոստիկանության բաժանմունքներ տեղափոխել»,- ասված է հայտարարության մեջ։ Ծեծկռտուք հրահրած 3 անձանց, հնարավոր է, ձերբակալել են 2 հոգու սպանության կասկածանքով։ Ոստիկանությունից միաժամանակ հայտնել են, որ այդ տեղեկությունները դեռ պետք է ստուգի քննությունը։ ՆԳՆ տեղեկություններով՝ Մոսկվայի Խովանի գերեզմանատանը զանգվածային ծեծկռտուքը, որին մասնակցել է 200 մարդ, տեղի է ունեցել մայիսի 14-ին։ Նախնական տեղեկություններով՝ բախումը տեղի է ունեցել գերեզմանատան տարածքի սպասարկումը բաժանելու պատճառով։ Ծեծկռտուքից սպանվել է 3 մարդ, 23-ը հոսպիտալացվել են։