ԱԱԾ-ն տակնուվրա է արել Խաչատրյանների առանձնատունը
Պետական եկամուտների կոմիտեի նախկին նախագահ Գագիկ Խաչատրյանի որդու Գուրգեն Խաչատրյանի փաստաբանական խումբը տարածած հաղորդագրությամբ տեղեկացրել է, որ իրենց պաշտպանյալին մեղադրանք է առաջադրվել և կալանավորման միջնորդություն է ներկայացվել դատարան։
«Անհրաժեշտ ենք համարում արձանագրել, որ Գուրգեն Խաչատրյանին արդեն իսկ առաջադրված եղել է մեղադրանք, և որպես խափանման միջոց ընտրվել էր ստորագրությունը չհեռանալու մասին: Այժմ մեղադրանքը փոփոխվել է և ավելացվել է որևէ քննադատության չդիմացող դրվագով: Ըստ նոր մեղադրանքի՝ Գուրգեն Խաչատրյանը աջակցել է կաշառք ստանալուն, այնինչ և՛ գործի նյութերից, և՛ պարզաբանումներից հստակ երևում է, որ մեղադրանքում նշված գումարը փոխառություն է, փոխառության պայմանագիրը դեռ գործում է և պետք է վերադարձվի ժամկետի ավարտին»:
Մեր տեղեկություններով՝ ԱԱԾ աշխատակիցները դեռեւս նախօրեին են մտել Խաչատրյանների առանձնատուն, տակնուվրա արել այն, սակայն Գուրգեն Խաչատրյանը նախապես տեղեկանալով իր անցանկալի հյուրերի մասին, հասցրել է հեռանալ եւ առայժմ անհայտ վայրում է:
Նշենք, որ ԱԱԾ-ին հրահանգվել է՝ գետնի տակից էլ գտնել Խաչատրյանի որդուն, այլապես պատանդ վերցնել ընտանիքի այլ անդամների:
Հետևեք մեզ Viber-ում
