Մոտոցիկլավարը Hayasa մակնիշի մոտոցիկլով կողաշրջվել է, նրան տեղափոխել են հիվանդանոց

Այսօր՝ ապրիլի 29-ին, մոտոցիկլավարի մասնակցությամբ վթար է տեղի ունեցել Երևանում։ Ժամը 11։50-ի սահմաններում Hayasa մակնիշի AՍ 346 համարանիշի մոտոցիկլավարը Սարալանջի հին ճանապարհից դեպի Տերյան փողոց ընթանալիս ժողովրդին հայտնի «Կուկուռուզնիկի ոլորանում» դեռևս անհայտ հանգամանքներում կողաշրջվել է։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով մոտոցիկլավարը մարմնական վնասվածքներով օպերատիվորեն դեպքի վայր ժամանած Երևանի 1-03 շտապօգնության բժիշկների կողմից նախ տեղում առաջին բուժօգնությունն է ստացել, ապա տեղափոխվել թիվ 1 համալսարանական հիվանդանոց։ Օպերատիվորեն դեպքի վայր են ժամանել Ճանապարհային ոստիկանության 1-ին սպայական գումարտակի 1-ին դասակի տեսուչներ Հարություն Գրիգորյանն ու Դավիթ Եսոյանը։ Դեպքի մասին Երևանի ՃՈ օպերատիվ կառավարման կենտրոնի պատասխանատու հեթապահ Միքայել Աղաբեկյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հերթապահ խումբը՝ բաժանմունքի պետ Խաչիկ Սամվելյանի և ավագ հետաքննիչ Դավիթ Գևորգյանի գլխավորությամբ։ Փաստի առթիվ Դ. Գևորգյանի կողմից նյութեր են նախապատրաստվում, ոստիկանությունը պարզումբ է մոտոցիկլավարի ինքնությունը։