Կոռուպցիան մի սպա, մի զինվորական բռնելը չէ.Անուշ Սեդրակյան
Հայաստանը կանգնած է և միշտ էլ կանգնած է եղել լրջագույն մարտահրավերների առջև: Եվ հիմա եկել է պատասխանատվություն կրելու ժամանակը,Հայելի ակումբում լրագրողների հետ այսօր կայացած հանդիպման ժամանակ այս մասին ասաց «Ազատ դեմոկրատներ» կուսակցության փոխնախագահ Անուշ Սեդրակյանը: «Հիմա եկել է ժամանակը՝ պատասխանատվություն կրելու: Իշխանության ներսում կատարվում է հետեւյալ գործընթացը՝ կոռուպցիան դարձնել անդեմ, մինչդեռ աշխարհում հաջողությունը միշտ անվանական է լինում: Երբ հարցը գնում բանակին, զինվորին թալանելու մասին, պետք է լինեն քրեական պատժամիջոցներ, իսկ աշխատանքից ազատումն ընդամենը ադմինիստրատիվ տույժ է»:
Անդրադառնալով վարչապետի գլխավորած հակակոռուպցիոն հանձնաժողովին՝ Անուշ Սեդրակյանն ասաց. «Ես շշմել էի, երբ կարդացի Մաքիեավելիի խոսքը, որը կիրառում էր նաեւ Լենինը՝ նախաձեռնությունը խեղդելու համար պետք է այն ղեկավարել: Հիմա արդյունքում մենք ստանում ենք կախարդական շրջանակ: Կոռուպցիայի դեմ պայքարի համար պետք է նախ՝ հրապարակել մենաշնորհների տերերին, կոռուպցիոն գործընթացում ներառված մարդկանց անունները: Կոռուպցիան պետական հաշվետվողականության մեխանիզմն է, որ վերեւից ներքեւ է գնում. կոռուպցիան մի սպա, մի զինվորական բռնելը չէ»:
«Մարդիկ կարող են 50 միլիոնանոց կոնյակներ գնել և հյուրասիրել պետական ընդունելությունների ժամանակ, իսկ մի հավաքարարի էլ կարող են կամ կրճատել, կամ աշխատավարձը պակասեցնել»,- նշեց քաղաքական գործիչը: Ամփոփելով՝ Անուշ Սեդրակյանը նկատեց՝ իրավիճակն այնպիսին է, որ իրավիճակը շտկելու համար Կառավարությունը կամքի դրսևորումից բացի այլ ելքեր չունի:
Հետևեք մեզ Viber-ում
