Ստուգել Գագիկ Խաչատրյանին, որը սահմանի վրա նստած լափում է Վրաստանից ներմուծվող անվադողերը
«Պետք է հիշենք, որ ՀՀ-ն ոչ Ռիոն է, ոչ էլ Հոլանդիան, որ նախարարը աշխատանքի գնա հեծանիվով: Եթե ցանկանում են գործ ունենալ մոնոպոլիստների հետ ու բերել հարկային դաշտ, թող վերցնեն հինգ տարվա բոլոր ելքերն ու մուտքերը, եւ մի ամբողջ ոհմակի կարող են բերել, նստեցնել դատարանում: Ի դեպ, ի տարբերություն շատ մոլախոտերի, վարչապետը տարիներ առաջ արդեն հարուստ էր»,-Հայելի ակումբում հրավիրված ասուլիսում հայտարարեց քաղաքագետ Գուրգեն Եղիազարյանը: «Այս հայտարարությունը լրջագույնս եմ համարում, ու մեր նորագույն պատմության մեջ՝ նոնսենս, բաց տեքստով ամեն ինչի մասին խոսվում է վարչապետի մակարդակով»,-հայտարարեց նա և հավելեց. «Փոքրիկ ՀՀ-ում մենք գիտենք՝ ինչն ինչպես է տեղի ունենում: Ես հիմա հայտ եմ ներկայացնում Կառավարության աշխատակազմի ղեկավար-նախարար Դավիթ Հարությունյանին՝ ստուգել Ֆինանսների նախարար Գագիկ Խաչատրյանին, որը մոնոպոլիստ է եւ սահմանի վրա նստած լափում է Վրաստանից ներմուծվող անվադողերը, որոնք ավելի թանկ գներով են վաճառվում ՀՀ-ում, քան Վրաստանում: Ես ողջունում եմ վարչապետի այս համարձակ հայտարարությունը: Մենք հիմա ունենք հրեշավոր թշնամի՝ ոչ այնքան Ադրբեջանը, որքան Արեւմուտքը»:
Հետևեք մեզ Viber-ում
