Մահվան ելքով վրաերթ. վարորդը դիմել է փախուստի՝ հետիոտնը տեղում մահացել է

Այսօր՝ ապրիլի 20-ին, մահվան ելքով վրաերթ է տեղի ունեցել Շիրակի մարզում։ Ժամը 03։30-ի սահմաններում անհայտ մակնիշի, համարանիշի ավտոմեքենայի վարորդը Գյումրի-Ազատան ավտոճանապարհի 1-ին կամ հատվածում վրաերթի է ենթարկել 45-50 տարեկան անձը չպարզված հետիոտնի։

Ինչպես հայտնում է ֆոտոլրագրող Գագիկ Շամշյանը, վրաերթի ենթարկված տղամարդը տեղում մահացել է, իսկ վարորդը դիմել է փախուստի։ Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 3-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Հարություն Հարությունյանի գլխավորությամբ։ Ժամանել են նաև ոստիկանության Ախուրյանի բաժնի օպերատիվ խումբը՝ բաժնի պետի ժամանակավոր պաշտոնակատար Մանուկյանի, քրեական հետախուզության բաժանմունքի պետ Բաղդասարյանի գլխավորությամբ։ Վրաերթի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել է Հայաստանի քննչական կոմիտեի Շիրակի մարզային քննչական վարչություն, որտեղից ժամանել է քննչական խումբը՝ հատկապես կարևոր գործերով ավագ քննիչ Բիշարյանի գլխավորությամբ, ում կողմից փաստի առթիվ հարուցվել է քրեական գործ՝ ՀՀ քր.օր-ի 242 հոդվածի 2-րդ մասի և 244 հոդվածի հատկանիշներով։ Ոստիկանությունն ու քննչական բաժինը ձեռնարկում են անհրաժեշտ օպերատիվ հետախուզական և քննչական համատեղ գործողություններ՝ մահացածի, վրաերթ կատարած վարորդի ինքնությունը և ավտոմեքենան պարզելու ուղղությամբ։