Սրանք ուզում են դառնալ փոքրիկ «ստալիններ» և «բերիաներ», սակայն ունենալու են վատ ծաղրածուների ճակատագիր
Թե ինչու Նիկոլ Փաշինյանը որոշեց գործ բացել Նավասարդ Կճոյանի դեմ, այսօր հասկանում են նույնիսկ դպրոցականները:
Վեհափառի հորդորը ՀՀ 2-րդ նախագահի կալանքի փոխելու վերաբերյալ ուղղակի խուճապային ցնցության մեջ է գցել Փաշինյանին և նրա նեղ շրջապատին: Իրենց արդեն հայտնի ձեռագրով որոշեցին «պատասխանել» Վեհափառին` Նավասարդ Կճոյանի վրա գործ բացելով: Այդպես էր, երբ Հրայր Թովմասյանին պատժելու համար գործ էին բացում նրա սանիկների վրա, նրա հիվանդ հորն էին հարցաքննում ԱԱԾ-ում, ՀՀ 2-րդ նախագահին մոտ կանգնած գործարար Արմեն Թավադյանի վրա շինծու գործ էին բացում, և այսպես շարունակ:
Այս նորահայտ «բերիաները» նույնիսկ չեն հասկանում, որ իրենց այս քայլերով խոստովանում են, որ երկրի ողջ արդարադատական համակաքրգը օգտագործում են բացառապես իրենց մանր շահերի սպասարկման համար:
Ավելին` Նիկոլ Փաշինյանն ու Ալեն Սիմոնյանը անկեղծորեն կարծում են, որ իրենց քայլերը բնական բնույթ ունեն: Նրանք նախկիններին տարիներ շարունակ մեղադրում էին, թե նրանք օգտագործում են ուժային կառույցնեորը իրենց շահերի սպասարկման նպատակով: Այսօր նույնիսկ «պողոսներն են» հասկանում, որ սրանք նույնն են անում պարզապես ավելի բռի ձևով: Ստացվում է, որ Փաշինյանը, Սիմոնյանն ու նրանց շրջապատը նախկինների գործողությունները բնական էին համարում: Այդ իսկ պատճառով էլ այսօր լինելով իշխանություն իրենք են գործում նախկինի պես:
Ստացվում է, որ իշխանության են եկել ոչ թե «Նոր Հայաստան» կառուցման ջատագովները, այլ «հնագույն» ստալինյան հոգով տառապող երիտհայեր, որոնք իշխանության ռեսուրսներով հաստատվելու բարդույթ ունեն:
Սակայն իրենց վարքագծով սրանք ոչ «ստալինի», ոչ էլ «բերիայի» վիճակին չեն հասնի, քանզի նրանք իրենց տոտալիտար համակարգի ստեղծման համար լուրջ ջանքեր են թափել: Սրանք ոչինչի ունակ, դատարկ մարդիկ են ովքեր նույնիսկ կարգին ստել չգիտեն:
Օրինակ` արդարանալով, թե ինչու Նավասարդ Կճոյանի վրա գործ հարուցեցին Վեհափառի հայտնի հորդորից հետո` Ալեն Սիմոնյանը սկսեց արդարանալ, թե իբր Վեհափառը այդ հորդորով հանդես է եկել ապրիլի 14-ին, իսկ իրենք գործն հարուցել ենմեկ օր առաջ: Իր այդ խաբեբայությամբ Սիմոնյանը ուզում է ցույց տալ, թե իբր Վեհափառն է իրենցից վախեցել և դրա համար էլ այսպիսի հորդորով է հանդես եկել:
Այս ամենին մեկ բան կարելի է ավելացնել: Հետագայում, երբ սրանց դատելու լինեն, նույնիսկ իրենց թիմակիցները չեն պաշտպանելու, քանզի այսպիսի մանրահոգի մարդկանց պաշտպանելը արժանապատիվ չի համարվելու:
Սա է իրականությունը:
Դավիթ Մկրտչյան
Հ.Գ
Սրանք նույնիսկ իրական գործեր բացելու լեգիտիմությունից իրենց զրկեցին, քանզի այս ամենից հետո արդեն բոլորի համար է հասկանալի, որ սրանց իրական նպատակը ոչ թե արդարադատություն հաստատելն է, այլ բացառապես սեփական կապրիզների բավարարումը:
Հետևեք մեզ Viber-ում
