Ես հպարտանում եմ «Իմ քայլը» խմբակցությունով. Դրա գնահատականը տվել է Ադրբեջանը. Նիկոլ Փաշինյան (video)
«Այս խորհրդարանն իր որակով էականորեն գերազանցում է նախորդ գումարման խորհրդարաներին: Երբ հարցը կարդում էի, միանգամից հիշեցի այն քննադատությունները, որ ինձ երկար տարիներ ուղղվում էին, երբ ես ԱԺ պատգամավոր էին, ասում էին՝ ինչ ես անում, խոսում ես միայն: Ես ուզում եմ բոլորի ուշադրությունը հրավիրել, որ խորհրդարան բառը, և, ընդհանարապես, խորհրդարան երևույթն ի հայտ է եկել «պառլամենտ» բառից, և այն նշանակում է խոսելու տեղ: Սա շատ կարևոր ինստիտուտ է ժողովրդավարության առումով, և խորհդարանը հենց այն տեղն է, որտեղ քաղաքական ուժերը պետք է մտքեր փոխանակեն, մտքերի բախում, բանավեճ տեղի ունենա: Այս առումով խորհրդարանում խոսելը իրականացվող հիմնական գործն է»,- պատասխանելով օգտատեր Էդգար Հարությունյանի այն հարցին ասաց վարչապետ Նիկոլ Փաշինայնը:
Հիշեցնենք, որ քաղաքացին հարցրել էր, թե արդյոք վարչապետը չի՞ կարծում, որ իր խմբակցության պատգամավորների մեծ մասը պարզապես անիմաստ խոսող ու ոչինչ չանող դեմքեր են, որոնց գործունեությունից ընտրողների մեծ մասը հասցրել է հիասթափվել: «Գուցե նրանց մի մասին տուն ուղարկեք և նոր՝ ավելի ինտելեկտուալ ու գործունյա մարդկանց ներգրավեք Ձեր թիմում»,-նշել էր քաղաքացին:
Փաշինյանը նշեց, թե խորհդարանական մեծամասնության լավագույն գնահատականը տրվել է հարևան Ադրբեջանից, երբ ՀՀ-ում տեղի ունեցած արտահերթ խորհրդարանական ընտրություններից հետո Ադրբեջանում որոշում կայացվեց անցկացնել արտահերթ խորհրդարանական ընտրություններ: «Այդ ընտրությունների անցկացման հիմնավորումն այն էր, որ Ադրբեջանն ունի կարիք երիտասարդ և ժամանակակից պայմաններին ավելի համապատասխան խորհրդարան ձևավորելու»,- հավելեց նա:
Վարչապետը նկատեց, որ «Իմ քայլը» խմբակցությունը գործում է բավականին արդյունավետ եւ դրա մասին է խոսում վիճակագրությունը:
«ԱԺ մոնիտորինգ ծրագիրն ամփոփել է ԱԺ 3-րդ նստաշրջանի գործունեությունը ըստ որի, ընդունված օրենքների 30 տոկոսը հեղինակել են պատգամավորները, 70 տոկոսը՝ կառավարությունը: Սա վերջին 10 տարվա ամենաբարձր ցուցանիշն է:
Այսինքն պատգամավորների գործունեությունը երբեք ավելի արդյունավետ չի եղել:
Վարչապետը նշեց, որ իր կարծիքով՝ ԱԺ «Իմ քայլը» խմբակցությունը գործում է բավականին էֆեկտիվ, դրա մասին է խոսում նաև վիճակագրությունը:
«Ես կարող եմ հիշել սահմանադրական հանրաքվե նշանակելու հարցի մասին քննարկումը. այդ հարցի քննարկման ժամանակ հպարտություն ապրեցի «Իմ քայլը» խմբակցության համար, որովհետև շատ բարձր մակարդակի քաղաքական քննարկում տեղի ունեցավ»,-ասաց Փաշինյանը:
Հետևեք մեզ Viber-ում
