«Խոզի գրիպ»-ի սարսափը

«Իրավիճակը գնահատում ենք կայուն, կարելի է ասել նույնիսկ տենդեցիա կա դեպի նվազման »,-Հայելի.am-ի թղթակցի հետ զրույցում տեղեկացրեց Երևանի «Սուրբ Աստվածամայր» ԲԿ-ի փոխտնօրեն Ալլա Հարությունյանը: Բժիշկը փաստում է, որ վերջին օրերին դիմելիությունը պակասել է: Նա կարևորում է, որ մանկական տարիքում ծանր դեպքեր չեն գրանցվել իրենց հիվանդանոցում:Նա նշում է, որ հիվանդանոցը աշխատում է մոբիլ վիճակում և ոչ մի հիվանդ առանց ստուգման հետ չի գնում: Երևանի «Սուրբ Աստվածամայր» բժշկական կենտրոնում  սակայն անհանգիստ վիճակ է: Հիվանդներին այցելության եկած հարազատներին ներս չեն թողնում` հաշվի առնելով տարածված H1N1 վիրուսի վտանգավորության աստիճանը: Հիվանդանոցի ներսում բոլոր բուժաշխատողները և հիվանդները շնչադիմակներ են կրում: Ալլա Հարությունյանը հորդորում է` սթափություն դրսևորել և չխոչնդոտել բժիշկների աշխատանքներին: Հիվանդանոցում սուր-շնչառական խնդիրներ ունեցող մոտ 120 հիվանդ կա, որից 25-ի  մոտ թոքաբորբ է, իսկ 7-ի մոտ հայտանաբերվել է H1N1 վիրուսը: «Կարևորը երեխաների մոտ չունենք ծանր դեպքեր, արհեստական շնչառական ապարատին միացված հիվանդ ևս չունենք: Հիվանդությունը գնում է իրեն բնորոշ ճանապարահով:»,-ընդգծում է ԲԿ փոխտնօրենը: Հիվանդների հարազատները մեզ հետ զրույցում նշեցին, որ շատ ծանր հոգևիճակում են ու սպասում են լավ լուրերի: «Քայլում ենք, ապրում ենք, շնչում ենք ու չգիտենք մի րոպե հետո ինչ կլինի, գուցե վարակված ենք ու չգիտենք...»,-ասաց Գոհար Մազմանյանը, որը ընդգծեց իր տարիքը` 78 տարեկան, բայց չի ցանկանում վիրուսից մահանալ: Աստղիկ Ավագյան