Կոչ եմ անում քաղաքացիներին չշտապել վճարել արտակարգ դրության ժամանակ ստացած վարչական տույժերը.փաստաբան (video)

Պայմանավորված կորոնավիրուսով՝ մարտի 24-ի կեսգիշերից մինչև մարտի 31-ը ՀՀ ողջ տարածքում սահմանափակվեց մարդկանց ազատ տեղաշարժի իրավունքը: Շրջանառության մեջ մտավ արտակարգ դրության պայմաններում օգտագործվող ձևաթուղթ. յուրաքանչյուր քաղաքացի ամեն անգամ տնից դուրս գալիս պետք է լրացնի այդ թերթիկը՝ նշելով անուն, ազգանուն, հայրանունը, դուրս գալու և վերադարձի ժամը, գնալու վայրն ու նպատակը: Թերթիկի հետ մեկտեղ պարտադիր պետք է լինի անձը հաստատող փաստաթուղթը:

Որոշման հաջորդ օրվանից սկսած՝ պարետի հանձնարարությամբ ոստիկանության ուժերը հանրապետությունում սկսեցին իրականացնել հսկողություն, որի ընթացքում մինչ այսօր հարյուրավոր արձանագրություններ են կազմվել:

Փաստաբան Ալեքսանդր Կոչուբաևը կոչ է անում քաղաքացիներին չշտապել վճարել իրենց նկատմամբ կիրառված վարչական տույժերը:

Մանրամասները՝ տեսանյութում.