Հայաստանն Արցախի անկախությունը կճանաչի, երբ գա դրա ժամանակը. ՀՀ վարչապետ
ՀՀ վարչապետ Հովիկ Աբրահամյանը լրագրողների հետ զրույցում, խոսելով ԼՂՀ կատարած իր այցի մասին, որտեղ նա հանդիպումներ է ունեցել ԼՂՀ նախագահի, կառավարության անդամների հետ, եղել առաջնագծում, ասաց. «Կարող եմ ասել, որ սկսած մեր զինվորներից, սպաներից, գեներալներից, քաղաքական գործիչներից, ԼՂՀ պատգամավորներից, բոլորի մոտ շատ հստակ, բարձր վստահություն կար մեր ապագա հաղթանակների համար: Դա մեզ ոգևորեց»։ Նա նշեց, որ քննարկել ենք նաև տնտեսական խնդիրներ եւ բոլոր հարցերի շուրջ ձեռք են բերել պայմանավորվածություններ։ «Ինչ վերաբերում է ԼՂ-ի ճանաչման հարցին՝ ՀՀ նախագահը շատ հստակ իր դիրքորոշումը հայտնել է, և եթե շարունակվի այդ ոտնձգություները և պատերազմը, մենք ստիպված կլինենք գնալ այդ քայլին: Առայժմ դրա անհրաժեշտությունը չկա»,- ասաց Հովիկ Աբրահամյանը և անդրադառնալով ՀՀ-ի եւ ԼՂՀ-ի միջև փոխօգնության պայմանագրին, նշեց, որ այն նախապատրաստական փուլում է: Հայաստանը կճանաչի Լեռնային Ղարաբաղի անկախությունը, երբ կգա դրա ժամանակը,նշեց ՀՀ վարչապետ Հովիկ Աբրահամյանը: Հարցին՝ ինչպիսի՞ն է վիճակը Լեռնային Ղարաբաղում՝ վարչապետն ասաց, որ կայուն է: Իսկ թե ե՞րբ է Արցախի Հանրապետության անկախությունը ճանաչվելու ՀՀ-ի կողմից՝ Հովիկ Աբրահամյանը նշեց. «Երբ ժամանակը գա»:
Հետևեք մեզ Viber-ում
