Ռիսկային է.համաներում պետք է կիրառել

Հարցազրույց փաստաբան Լեւոն Բաղդասարյանի հետ:

-Պարոն Բարսեղյան, Հայաստանում կորոնովիրուսի վարակը լայն տարածում է ստանում: ՔԿՀ-ներում դատապարտյալների եւ կալանավորների իրավունքներն այսօր պաշտպանված համարում եք: Պատկան մարմինները, իհարկե, վստահեցնում են, որ առա այս պահը վարակակիրներ չկան, բայց ՔԿՀ-ներում, անշուշտ, կան թիրախային խմբեր՝ հիվանդություն ունեցողներ, տարեցներ: Ինչ քայլեր է պետք անել այս ուղղությամբ:

-Ես կարծում եմ, որ իրականում հարցի հասցեատերը արդարադատության նախարարությունն է, բայց որպես իրավապաշտպան կարծում եմ հետեւյալը, որ գլոբալ միջոցառումներ պետք է իրականացնել, պետք է համաներում հայտարարվի այն անձանց նկատմամբ, ովքեր կալանքի տակ են կամ դատապարտյալ են, հատկապես, որ բազմիցս ենք ահազանգել, որ բազում ակտեր ոչ իրավաչափ են եւ ազատության մեջ այսօրվա կալանքի տակ գտնվողները չեն խոչընդոտի քննությանը: Դատապարտյալների հետ կապված էլ համոզված եմ, որ եւս մեկ համաներում պետք է կիրառել՝ հնարավորինս թիրախային խումբ ու ռիսկերը փոքրացնելու նպատակով: Ինչ վերաբերում է պրոֆիլակտիկ միջոցառումներին, ապա ցանկալի է, որ առողջապահության կողմից հնարավորինս մաքսիմալ ձեւով փորձեն թեստեր իրականացնել:

-Թեստերի սղություն կա, բազմաթիվ քաղաքացիներ հայտնել են, որ շատ դեպքերում բոլոր ախտանիշներն ունեցողներին նույնիսկ թեստ չեն անում:

-Գիտեք սովորական քաղաքացիները, երբ իր տան մեջ մեկուսանում է, ռիսկը հնարավորինս փոքրանում է: Մեծ հիմնարկներում, որտեղ մարդիկ են պահվում, պետությունն ավելի մեծ պարտավորություն ունի հնարավորինս ավելալացնելու քայլերը: Այդ մարդիկ մեր հասարակության լիիրավ անդամներ են, մի մասը, մեր քաղաքացիներն են եւ պետության պոզիտիվ պարտավորությունն է հնարավորինս այդ գործառույթներն իրականացնել:

-Նախարար Ռուստամ Բադասյանը մի քանի օր առաջ խորհրդարանում վստահեցնում էր, որ բոլոր պայմաններն ապահովվելու են, եթե հանկարծ դեպք գրանցվի ըստ ամենայնի կմեկուսացնեն Դատապարտյալների հիվանդանոցում: Այլ տարբերակների մասին էլ խոսեց:

-Դատապարտյալների հիվանդանոցի հետ կապված ես խորհուրդ եմ տալիս պարոն նախարարին, գնա ու տեսնի նման անվանում կրող հիմնարկի վիճակը որքանով է համապատասխանում հիվանդանոցի կարգավիճակին: Դատապարտյալների հիվանդանոցը որպես հիվանդանոց գոյություն չունի բառի ուղիղ իմաստով, նախորդ դարի 70-ականների սարքավորումներ են, այո, գաղափարը լավն է, բայց դա իրագործելու համար պետք է կարողանան նախ վերազինել այդ հիմնարկը: Իսկ ինչ վերաբերում է այս իրավիճակը նույն ձեւով պահել, համաներում չիրականացնել, հնարավորինս կալանքի միջոցները չվերանայել, ես դա դիտում եմ ռիսկային:

-Թեպետ երկրորդ նախագահ Ռոբերտ Քոչարյանն այս պահին հիվանդանոցում է, բայց նրա պաշտպանները եւս ռիսկեր են տեսնում, կարգադրիչները հերթափոխով հսկում են նրան եւ չկա երաշխիք, որ այդ կարգադրիչները վարակ չեն փոխանցի:

-Ես կարծում եմ՝ ընդհանրական խոսեցի բոլոր խնդիրների մասին եւ պետք չէ մասնավորեցնել:

Անի Սահակյան