Հունաստանում հոգևորական է ձերբակալվել կարանտինի ժամանակ տաճարում եկեղեցական արարողություն անելու համար

Հունաստանում միտրոպոլիտ է ձերբակալվել կարանտինի ժամանակ եկեղեցական ծառայություն իրականացնելու համար: Նրա նկատմամբ այժմ քրեական գործ է հարուցվել, հաղորդում է РИА Новости-ն՝ հղում տալով vimaorthodoxias.gr կայքին:

Հունաստանի կառավարությունը կորոնավիրուսի տարածման սահմանափակման համար համավարակի ընթացքում արգելել է կրոնական ծառայությունների անցկացումը բոլոր վայրերում: Հաղորդվում է, որ Միտրոպոլիտ Սերաֆիմը ուրբաթ բացել է Կիտիրա կղզում գտնվող Խաչելության տաճարը և հավատացյալներին հրավիրել, ապա անցկացրել եկեղեցական ծառայությունը՝ չնայած արգելքին: