Իրանը Թեհրան-Երևան չվերթ կատարած ինքնաթիռի կործանման մեղավորի մասին

Թեհրանի դատախազության ներկայացուցիչ Գազի Շահրիարին հայտարարել է, որ Իրանում «Տու-154Մ» ինքնաթիռի կործանման պատճառները հետաքննող հանձնաժողովի արդյունքները վկայում են, որ աղետի համար մեղավոր են ռուսական նախագծող ընկերությունն ու չվերթն իրականացրած անձնակազմը:Իրանական IRINN հեռուստաալիքի փոխանցմամբ՝ ստեղծված հանձնաժողովը կրկին կզբաղվի ինքնաթիռ գնելու ու շահագործելու հարցում ավիաընկերության նախկին ղեկավարության անփութության գործի հետաքննությամբ: Հիշեցնենք, որ իրանական Caspian Airlines ավիաընկերության «Տու-154Մ» ինքնաթիռը կործանվել է 2009 թվականի հուլիսի 16-ին, Իրանի Ղազվին քաղաքից ոչ հեռու՝ Թեհրանից 200 կիլոմետր հեռավորության վրա: Ինքնաթիռում գտնված բոլոր 168 անձինք, այդ թվում նաև անձնակազմի 15 անդամները զոհվել են: Ինքնաթիռը կատարում էր Թեհրան-Երևան չվերթը