Փոխանակ գովերգեն, քննադատում են. պատգամավորը զարմացավ

Ազգային ժողովը  քննարկման է դրել «Հրազդան ցեմենտ» ընկերությանը 510 մլն դրամ տույժերից ազատելու մասին որոշման նախագիծը: ««Հրազդան ցեմենտի» վերաբերյալ մեր տրամադրվածությունը, մտադրությունը որեւէ անձի պատասխանատվությունից ազատել չի նշանակում»,- այսօր ԱԺ նիստում հայտարարեց էկոնոմիկայի նախարար Արծվիկ Մինասյանը: «Կառավարության այս նախաձեռնության շրջանակներում ընդամենը հնարավորություն է ստեղծում, որ 470 աշխատատեղ ունեցող ընկերությունը շարունակի գործել, բայց վաղը եթե ձեռնարկությունը հայտնվի այլ վիճակում, որեւէ ձեւով կառավարությունը պատասխանատվություն չի կարող կրել։ Կառավարությունն ընդառաջ է գնում բաժնետիրոջ առաջարկին»,-ասաց Արծվիկ Մինասյանը՝ հավելելով, որ կառավարությունը մտադիր է «Հրազդան ցեմենտ»-ին ոչ թե ազատել հարկային պարտավորություններից, այլ ժամանակին այդ պարտավորությունները չկատարելու տույժերից։ «Կառավարությունը, ժողովրդական լեզվով ասած, ջրում է այդ պարտք վերցնելու մասը: Դա պարտքի զգացումից ազատվելու ձև է»: Այս մասին այսօր Ազգային ժողովում հայտարարեց պատգամավոր Խաչատուր Քոքոբելյանը: «Երբ որ այս դրական նախաձեռնությունը գալիս էր, փոխանակ դրականի մասին խոսվեր, խոսում են այլ բանի մասին, որը կապ չունի այս նախագծի հետ: Ձեր ելույթները, կառավարությանը` ենթադրյալ հանցագործին ազատել պատասխանատվությունից, ազնիվ չեն»,- ասաց Մինասյանը և հավելեց, որ փոխանակ գովերգեն, քննադատում են: