Կինոն նոր է սկսվում

ՀՀ վարչապետ Նիկոլ Փաշինյանը որոշել է, որ Ազգային անվտանգության ծառայության տնօրենի և ոստիկանության պետի պաշտոնները կզբաղեցնեն ներկայումս ժամանակավոր պաշտոնակատարները: Փաշինյանն այս մասին ասաց «Շանթ» հեռուստաընկերությանը տված հարցազրույցում:
«Արդեն որոշել եմ: Ոստիկանապետի ԺՊ-ն կնշակվի ոստիկանապետ, ԱԱԾ տնօրենի պարտականությունների ժամանակավոր կատարողն էլ կնշանակվի ԱԱԾ տնօրեն»: ԱԱԾ տնօրենի պաշտոնակատարը Էդուարդ Մարտիրոսյանն է՝ Արթուր Վանեցյանի՝ պաշտոնը թողնելուց հետո, իսկ ոստիկանության պետի պարտականությունները կատարում է Արման Սարգսյանը՝ Վալերի Օսիպյանի ազատումից հետո:
Ուղիղ վեց ամիս այս պաշտոնյաներն անցան փորձաշրջան եւ ըստ ամենայնի հաջող են հանձնել ստուգողական թեստերը: Վանեցյանի եւ Օսիպյանի աղմկոտ հեռացումից եւ սթափության կոչերից հետո , անշուշտ, հետաքրքրական էր, թե ովքեր էին նշանակվելու այդ պաշտոններում, ովքեր են համաձայնելու դառնալ Նիկոլ Փաշինյանի անձնական օգտագործման ԱԱԾ տնօրենն ու ոստիկանապետը, որոնք օրվա ցանկացած պահի, ցանկացած իրավիճակում պետք է կատարեն վարչապետի կամայականությունները, ինչը ինչ-որ պահից հրաժարվեցին անել Օսիպյանն ու Վանեցյանը: Թերեւս կարիք չկա հիշեցնելու, թե ինչ այլանդակություններ ու մասկի շոուներ էր նրանց պարտադրցել, ինչի մասին Վանեցյանը թափանցիկ ակնարկներ է արել, թիրախում հատկապես ՍԴ-ն էր ի դեմս նախագահ Հրայր Թովմասյանի:

Էդուարդ Մարտիրոսյանի եւ Արման Սարգսյան վեցամսյա պաշտոնավարման ողջ էպոպեան եղել է բոլորիս աչքի առջեւ՝ սատանաների որսից, մինչեւ Վստրեչի ապերի տան խայտառակ օպերացիա: Այս մարդին որեւէ անգամ, որեւէ ձեւով չեն առարկել վարչապետի խելագարության կանխավարկածով առաջ քաշած գաղափարներին եւ ԱԱԾ ժամանակավոր տնօրենն ավելի եռանդով էր հաստատում սատանաներին բռնելու հրահանգը ու վստահեցնում, որ բռնելու են, քան Նիկոլ Փաշինյանն էր այդ մասին խոսել:Նորմալ երկրներում այս մարդկանց, բնականաբար, հասկանալի է, թե ուր կուղարկեին, ինչպես առաջին նախագահը կասեր՝ միանգամայն խենթանոց, իսկ մեզ մոտ,քանզի այդ հատկանիշները խիստ պահանջված են եւ պահանջված են պետության ղեկավարի մակարդակով, ուստի ոչ թե խենթանոց, այլ կառավարական ապարատ:

Այնպես որ, կինոն դեռ նոր է սկսվելու եւ ազգովի ականատեսն ենք լինելու այս երկու սյուռ սցենարիստների արկածային թրելերներին:

Անի Սահակյան