Հարձակումներ Հալեպի հիվանդանոցների վրա մեկ

Մեկ շաբաթում՝ ապրիլի 27-ից մայիսի 5-ն ընկած ժամանակահատվածում, առնվազն 6 հարձակում է կատարվել Հալեպ նահանգի բուժհաստատությունների վրա։ Այս մասին հայտնել է ցեղասպանությունների կանխման հարցերով ՄԱԿ-ի հատուկ խորհրդական Ադամ Դինգը՝ փոխանցում է TASS գործակալությունը։ Նա նաև ուշադրություն է հրավիրել մայիսի 5-ին Իդլիբ նահանգի հյուսիսում ներքին տեղահանված անձանց ճամբարի գնդակոծման վրա, որի հետևանքով առնվազն 30 մարդ էր զոհվել։ ՄԱԿ-ի հատուկ խորհրդականը հիշեցրել է, որ ՄԱԿ ԱԽ-ն մայիսի 3-ին ընդունել է 2286 բանաձևը, որը պետություններից պահանջում է ապահովել հիվանդանոցների և բուժաշխատողների անվտանգությունը, ինչպես նաև հարգել միջազգային մարդասիրական իրավունքի շրջանակում այլ պարտավորությունները։ Դինգը միջազգային հանրությանը կոչ է արել վերջ դնել Սիրիայում լուրջ հանցագործությունների համար անպատժելիությանը, ինչպես նաև ներդրում անել նոր վայրագությունների կանխարգելման գործում՝ հասնելով երկրում իրավիճակի դիտարկումը ՄԱԿ ԱԽ-ից Հաագայի միջազգային քրեական դատարան փոխանցման։