Ինչո ՞ւ չի ստացվում Նիկոլ Փաշինյանի կյանքը` Արթուր Վանեցյանից հետո
«Կան մարդիկ, որոնց, այո՛, հեղափոխությունից հետո բերել, պաշտոններ ենք տվել ու վստահել, պարզվում է՝ դրանց էլ է դուր եկել օտարերկրյա կոշիկների համը: Այն պաշտոնյաները, որ գտնվում են վարչապետի ուղիղ հրամանատարության ներքո, վարչապետի թիկունքում ստեղ-ընդեղ կոշիկներ են լիզել, ու էդ լիզելու համար ա, որ վզակոթերին տալով հանել եմ գործից ու ճիշտ եմ արել: Ու հիմա էլ եկել-քաղաքական գործիչներ են խաղում:
Տո այ դուրսպրծուկներ, վզակոթերիդ ուտելու եք: Ու ոնց սկսել եք սերժերի հետ, նենց էլ ավարտելու եք: Երեւէ մեկը չփորձի ժողովրդի հետ խաղեր տալ՝ լինի նախկին պաշտոնյա թե ներկա պաշտոնյա, ուժային, ոչ ուժային: Բոլորիդ կբերենք հրապարակներում պատասխան կտաք ժողովրդի առաջ: Չփորձեք թպրտալ: Ծնկի կբերենք բոլորիդ հատ-հատ ժողովրդով: Եվ հյուսիսների, հարավների, արեւելքների ու արեւմուտքների վրա հույս չդնեք: Էս երկրում մի տեր կա, մի տիրակալ կա, եւ դա ՀՀ հպարտ քաղաքացին է:
Իրենց տներում այնքան չեն քնում, որքան օտար երկրների հյուրանոցներում ու իշխանությունների դռների տակ: Անինքնասեր, անողնաշար... ու դեռ գալիս-ասում են՝ պատիվ ունեմ: Դուք պատիվ չունեք, եւ ձեր պատիվը ծախել եք վաղուց օտարներին, եւ դու Հայաստանում կողմնակից չեք ունենալու, տեր չեք ունենալու, բայց դուք Հայաստանում պատասխան եք տալու՝ հատիկ առ հատիկ: Սրա մասին է ապրիլի 5-ի հանրաքվեն»,- հայտարարել է Փաշին յանը:
Նա անուններ չի տվել, բայց բնութագրումները, որ տվել է, ամենայն հավանականությամբ վերաբերվում են ԱԱԾ նախկին ղեկավար Արթուր Վենցյանին և նախկին ոստիկանապետ Վալերի Օսիպյանին: Նախկին ուժայինները, որոնց Փաշինյանը, իր բառերով ասած վզակոթին տալով հեռացրել է պաշտոնից, հենց Վանեցյանն ու Օսիպկանն են, ովքեր աշխատել են վարչապետի ուղիղ ենթակայությամբ:
Ժամանակին Վանեցյանը իր հրաժարականը պատճառաբանեց Փաշինյանի հետ ունեցած անհամաձայնություններով, սակայն մինչև վերջ պարզ չդարձավ, թե որ հարցերում են եղել գլխավոր հակասությունները: Եվ ահա ամիսներ անց Փաշինյանը մեղադրում է Վանեցյանին` օտար երկրների իշխանությունների հետ գործարքների գնալու և իր դեմ հակահեղափոխության պլան մշակելու համար:
Ժամանակին մամուլում նաև գրվեց, թե Վենեցյանը Մոսկվայի որոշ շրջանակների հետ սեփական նախաձեռնությամբ փակ հանդիպումներ է ունեցել: Ըստ ամենայնի Նիկոլ Փաշինյանը հենց այդ հանդիպումների մասին է ակնարկում և հենց դրանք է որակում` օտարների կոշիկները լիզելու քայլ: Պատիվ ունեմ արտահայտության հիշատակումն էլ պատահական չէ. ԱԱԾ նախկին պետ Արթուր Վանեցյանը իր հրաժարականի գրառումն ավարտել էր հենց այդ արտահայտությամբ:
Ակնհայտ է, որ Արթուր Վանեցյանի հրաժարականից հետո Նիկոլ Փաշինյանի անհանգստություններն ավելացել են: Նա չի թաքցնում, ավելին, իր անհավասարակշիռ պահվածքով և հռետորաբանությամբ ցույց է տալիս, որ վախենում է Արթուր Վանեցյանի քաղաքականություն մտնելուց: Ու թեպետ ԱԱԾ նախկին պետը դեռևս լուրջ քաղաքական հայտ չի էլ ներկայացրել, բայց վարչապետը նրան շատ հստակ ասում է` թույլ չի տալու թպրտալ:
Ստացվում է, որ սահմանադրության այո-ի քարոզարշավը Նիկոլ Փաշինյանը վերածում է նախկին իշխանություններին և պաշտոնյաներին քննադատելու առիթի` քաղաքացու անունից:
Երբ անհրաժեշտ է լինում` հրապարակում հավաքված մարդիկ Փաշինյանի համար դառնում են հպարտ քաղաքացիներ: Ըստ անհրաժեշտության` այդ նույն քաղաքացին կարող է դառնալ նաև սովորական մի անհաջողակ, որը աղքատությունը կրում է գլխի մեջ:
Հայկ Դավթյան
Հետևեք մեզ Viber-ում
