Նիկոլ, դե որ առողջ տղամարդը, առողջ տղամարդուն չի օգնի, բա աներձագիդ ինչի՞ ես դարձրել պատգամավոր (video)
Քաղաքագետ Աղասի Ենոքյանի խոսքով՝ Նիկոլ Փաշինյանի ու իր թիմի միակ հաջողությունը, որին իրենք հասել են, դա նախկիններին մերժելն է։ Այս մասին Արմնյուզ ՀԸ Անժելա Թովմասյանի «Հայելու առաջ» հեղինակային հաղորդման ժամանակ ասել է նա՝ խոսելով «Այո»-ի քարոզարշավի ժամանակ ՀՀ վարչապետ Նիկոլ Փաշինյանի հայտարարություններից։
Ըստ քաղաքագետի՝ քարոզարշավի ժամանակ, երբ Նիկոլ Փաշինյանն անցնում է «ռոբասերժական» բառամթերքի կիրառմանն, իրեն թվում է՝ ինքը կհաղթի հանրաքվեն․ «Նախկինները չեն մասնակցում անգամ «Ոչ»-ի քարոզարշավին, բայց անգամ այս պայմաններում Նիկոլ Փաշինյանն իր որդեգրած ռազմավարությամբ է առաջնորդվում»։
Հաղորդման մյուս հյուրի՝ «Ադեկվադ» միաբանության համահիմնադիր Կոնստանտին Տեր-Նակալյանի դիտարկմամբ՝ այս իշխանությունն անգամ «ամոթանք է» տալիս նախկիններին, որ քիչ է՝ քարոզարշավին չեն մասնակցում, դրան էլ զուգահեռ բոյկոտում են․ «Միակ տարբերակը, որ հանրաքվեով Նիկոլ Փաշինյանը հաղթի, դա ընտրակեղծարարությունն է։ Դրա համար էլ իշխանությանն օդ ու ջրի պես պետք է, որ շատ մարդ մասնակցի հանրաքվեին, որպեսզի հեշտ լինի լցոնումներ անելը»։
Կոնստանտին Տեր-Նակալյանի գնահատմամբ՝ այս իշխանությունն այնքան ապաշնորհ է, որ որևիցե բան մերժելուց բացի, ուրիշ ոչնչի շնորհք չունի․ «Իշխանությունը չի կարողանում ձևակերպի՝ ինչի համար է այս հանրաքվեն, դրա համար էլ գնում է նախկիններին մերժելու ճանապարհով»։
Շարունակելով Կոնստանտին Տեր-Նակալյանի միտքը՝ Ազգային ժողովի նախկին պատգամավոր Նաիրա Կարապետյանը նշել է․ «Այս ամբողջ գործընթացը հակասահմանադրական է և չկա կոնտենտ ներկայացնելու, խոսելու թեմա: Դրա համար էլ չի կարող ասել՝ Սահմանադրության փաթեթային փոփոխությունը դրել ենք մի կողմ և յոթ դատավոր-անդամների հետևից ենք ընկել»։
Նաիրա Կարապետյանի կարծիքով՝ իշխանությունն օգտագործում է դեռ 2018թ․ օգտագործած բառապաշարը, որպեսզի հոգեբանորեն ազդի նաև հանրության վրա։
Դիտարկմանը՝ կա սոցիոլոգիական կարծիք, որ Նիկոլ Փաշինյանը վախենում է, որ մարդիկ հնարավոր է չգնան ընտրատեղամասեր, դրա համար անձամբ է մասնակցում քարոզարշավին, քաղաքագետ Աղասի Ենոքյանը նշել է․ «Անգամ Նիկոլ Փաշինյանի մասնակցությունը չի փրկում իրավիճակը, հիշեք մետրոյում տեղի ունեցածը։ Ես կարծում եմ՝ Երևանում Փաշինյանը կխուսափի քարոզարշավից»։
Կոնստանտին Տեր-Նակալյանն էլ իր հերթին համոզված է, որ Նիկոլ Փաշինյանը փորձելու է հանրաքվեն չեղարկել․ «Եթե իշխանությունը տեսնի, որ անհրաժեշտ «Այո»-ներ հավաքվելու հույս չկա հանրաքվեին, Նիկոլ Փաշինյանը կորոնավիրուսի տարածման վտանգի պատրվակով կփորձի չեղարկել հանրաքվեն, որը չպետք է թույլ տանք, որ լինի»։
Խոսելով պարգևավճարների մասին՝ Նաիրա Կարապետյանն ասել է, որ պարգևավճարների մեծ տարափը կոչվում է համակարգային կոռուպցիա․ «Հունվար ամսվա 16 աշխատանքային օրվա համար ԱԺ պատգամավորներն ու աշխատակազմը հարյուր տոկոսով պարգևավճար են ստացել, այն դեպքում, որ տարեսկզբին չկա խնայած գումար, կամ էլ մնացորդ»։
Կոնստանտին Տեր-Նակալյանն էլ նշել է․ «Նիկոլ Փաշինյանի թիմի վերին օղակներում այսօր կան մարդիկ, ովքեր երկու տարի առաջ փաբերում պարտքով էին խմում, այսօր մեկ ու կես միլիոնի աշխատավարձ են ստանում ու պարգևավճարներ»։
Ըստ Տեր-Նակալյանի՝ իր էությամբ Նիկոլ Փաշինյանը մանր ժուլիկ է։
Հետևեք մեզ Viber-ում
