Կբոյկոտենք,եթե... Ավետիսյանների հարազատներ
Գյումրիի քաղաքապետարանի մոտ մեկնարկել է ռուս զինծառայող Վալերի Պերմյակովի կողմից սպանված Ավետիսյանների հարազատների բողոքի ակցիան,ովքեր պահանջում են, որ սպանության գործով նիստերը տեղի ունենան Շիրակի մարզի ընդհանուր իրավասության դատարանի շենքում, ոչ թե Գյումրիում տեղակայված ռուսական 102-րդ ռազմաբազայի տարածքում, սակայն կարծես մտափոխվել են` այժմ պահանջում են, որ ռազմաբազայի տարածքում գտնվող դատարանի դահլիճում պատշաճ պայմաններ ապահովվեն, ինչը չբավարարելու դեպքում նոր միայն այլ գործողությունների կդիմեն: Սպանված Հասմիկ Ավետիսյանի քույրը՝ Ռիտա Պետրոսյանը, լրագրողների հետ զրույցում հայտնեց, որ թեև սկզբում որոշել էին չմասնակցել, սակայն, իմանալով, որ առանց իրենց դատը տեղի կունենա, որոշեցին, այնուամենայնիվ, մասնակցել: «Եթե մեզ համար պայմաններ չապահովեն, անպայման կբոյկոտենք»,- հայտարարեց Ավետիսյանների դուստրը՝ Լուսինեն: Ռիտա Պետրոսյանի խոսքով՝ իրենք այսօր հավաքվել էին այն հույսով, որ գյումրեցիների 80 տոկոսն իրենց կողքին կլինի, սակայն հասկացան, որ մեկ տարվա ընթացքում կրքերը հանդարտվել են, մարդիկ վախենում են փողոց դուրս գալ:
Հետևեք մեզ Viber-ում
