Հռոմի պապի կոչը Եվրոպային.միգրանտներին չդիտարկել որպես հանցագործներ
Հռոմի պապ Ֆրանցիսկոսը Եվրոպային կոչ է արել միգրանտներին չդիտարկել որպես հանցագործների՝ ելույթ ունենալով Եվրամիության բարձրաստիճան պաշտոնյաների, այդ թվում` Գերմանիայի կանցլեր Անգելա Մերկելի, Եվրոպական կենտրոնական բանկի գլխավոր տնօրենի, Եվրոպական խորհրդարանի, Եվրահանձնաժողովի և Եվրոպական Խորհրդի նախագահների ներկայությամբ:
«Ի՞նչ է պատահել ձեզ հետ: Եվրոպան մարդասիրության, մարդու իրավունքների, ժողովրդավարության և ազատությունների կենտրոնն է: Ի՞նչ է պատահել այն Եվրոպայի հետ, որը ժողովուրդների և ազգերի մայրն է: Եվրոպան նաև այն մարդկանց մայրն է, ովքեր նույնիսկ իրենց կյանքն են զոհաբերել իրենց եղբայրների ու քույրերի արժանապատվության համար»,- ասել է Ֆրանցիսկոս պապը:
«Փախստականների ճգնաժամը «մեծ մարտահրավեր է Եվրոպայի համար»»,ասել է Եվրոպական խորհրդարանի նախագահ Մարտին Շուլցը, անդրադառնալով Հռոմի պապի խոսքերին:
Եվրահանձնաժողովի նախագահ Ժան-Կլոդ Յունկերը նշեց, որ իրենց սրտերը քաջությամբ լցվեցին, երբ պապը անցյալ ամիս վերադարձավ հունական Լեսբոս կղզուց, իր հետ բերելով 12 սիրիացի փախստականների:
Հետևեք մեզ Viber-ում
