Կուսակցություններին փող են տվել` ում ինչքան

Կառավարությունը մտադիր է Ազգային Ժողովի 2018 թվականի ընտրություններում 3 եվ ավելի տոկոս ձայն հավաքած կուսակցություններին եվ կուսակցությունների դաշինքներին ֆինանսակա աջակցություն ցույց տալ:
Նախագիծն ընդգրկված է կառավարության փետրվարի 13-ի նիստի օրակարգում:
Ըստ այդմ ֆինանսական աջակցություն կստանան աջակցություն են ստանալու խորհրդարանական 3 ուժերը և արտախորհրդարանական ուժերից ՀՀԿ–ն և ՀՅԴ-ն: Բնականաբար, ըստ ստաձած ձայների ամենամեծ աջակցությունը կստանա «Իմ քայլը» խմբակցությունը, որը ԱԺ ընտրություններում ստացել էր ընտրողների ձայների 70.42%–ը: Իշխող մեծամասնությունը ստացած ձայների համար կստանա ավելի քան 78 մլն դրամ:
2018թ.-ի արտահերթ ընտրություններում 8.26% ձայներ ստացած «Բարգավաճ Հայաստանը» կառավարությունից կստանա 9 մլն 150 հազար դրամ։ Ընտրությունների արդյունքում խորհրդարան անցած 3 քաղաքական ուժերից ամենափոքր աջակցությունը կտրվի «Լուսավոր Հայաստանին»` 7 մլն 56 հազար դրամ` ստացած 6.37% ձայների համար։
Հայաստանի Հանրապետական կուսակցությունը ԱԺ ընտրություններում 4.7 % ձայն է ստացել և դրա համար կառավարությունից 5 մլն 208 հազար դրամի աջակցություն կստանա։ Կառավարության աջակցությունից կօգտվի նաև Հայ Յեղափոխական Դաշնակցությունը` հավաքած 3.88% ձայների դիմաց ՀՅԴ–ն կստանա 4 մլն 303 հազար դրամ։

Նման որոշման հիմքում «Կուսակցությունների մասին» ՀՀ օրենքի պահանջն է, որի համաձայն աջակցություն է հատկացվում քաղաքական ուժերին:
Նշենք նաև, որ նույն օրենքի 24-րդ հոդվածը կարգավորում է կուսակցություններին կատարվող նվիրատվությունների հարցը:

Ովքեր կարող են նվիրատվություն կատարել

Կուսակցությանը տրվող նվիրատվության, ինչպես նաև կուսակցության համար կատարված աշխատանքների ու ծառայությունների ընդհանուր չափը` դրամական արտահայտությամբ, մեկ տարվա ընթացքում չի կարող գերազանցել օրենքով սահմանված նվազագույն աշխատավարձի միլիոնապատիկը, այդ թվում`
1) մեկ առևտրային կազմակերպության կողմից` օրենքով սահմանված նվազագույն աշխատավարձի տասհազարապատիկը.
2) մեկ ոչ առևտրային կազմակերպության կողմից` օրենքով սահմանված նվազագույն աշխատավարձի հազարապատիկը.
3) մեկ ֆիզիկական անձի կողմից` օրենքով սահմանված նվազագույն աշխատավարձի տասհազարապատիկը:
Մեկ անձի կողմից կուսակցությանը նվիրված անշարժ գույքի արժեքը չի կարող գերազանցել օրենքով սահմանված նվազագույն աշխատավարձի երկուհարյուրհազարապատիկը: Կուսակցությանը նվիրատվության կարգով տրվող անշարժ գույքը չի կարող օտարվել նվիրատվության օրվանից առնվազն հինգ տարվա ընթացքում:

Չի թույլատրվում

Նվիրատվություններ չեն թույլատրվում`
1) բարեգործական կամ կրոնական կազմակերպություններից, ինչպես նաև դրանց մասնակցությամբ կազմակերպություններից.
2) պետական և համայնքային բյուջեներից և (կամ) արտաբյուջետային միջոցներից, բացառությամբ սույն օրենքի 26-րդ հոդվածի համաձայն կատարվող ֆինանսավորման.
3) պետական և համայնքային ոչ առևտրային կազմակերպություններից և պետական ու համայնքային մասնակցությամբ առևտրային կազմակերպություններից.
4) օտարերկրյա պետություններից, օտարերկրյա քաղաքացիներից ու իրավաբանական անձանցից, ինչպես նաև օտարերկրյա մասնակցությամբ իրավաբանական անձանցից, եթե օտարերկրյա մասնակցի բաժնետոմսերը, փայը, բաժնեմասը տվյալ իրավաբանական անձի կանոնադրական (բաժնեհավաք, փայահավաք) կապիտալում 30 տոկոսից ավելի է.
5) միջազգային կազմակերպություններից.
6) քաղաքացիություն չունեցող անձանցից.
7) անանուն անձանցից:
Սահմանված չափը գերազանցող նվիրատվությունների ստացման դեպքում կուսակցությունը պարտավոր է ստանալուց հետո` երկու շաբաթվա ընթացքում, նվիրատվության սահմանված չափը գերազանցող մասը կամ նվիրատվությունն ամբողջությամբ, իսկ չթույլատրված նվիրատվությունները ամբողջությամբ վերադարձնել նվիրատուին, իսկ դրա անհնարինության դեպքում փոխանցել պետական բյուջե:
Չթույլատրված նվիրատվությունների ստացման դեպքում կուսակցությունը պարտավոր է ստանալուց հետո` երկու շաբաթվա ընթացքում, դրանք փոխանցել պետական բյուջե:
Նվիրատվություն կատարող ֆիզիկական անձինք պարտավոր են նշել իրենց անունը, ազգանունը, իսկ իրավաբանական անձինք` իրավաբանական անձանց միջև անկանխիկ հաշվարկի կանոններով պահանջվող բոլոր տեղեկությունները:
Կուսակցությանը օրենքով սահմանված նվազագույն աշխատավարձի հարյուրապատիկից ավելի դրամական հատկացումները կատարվում են անկանխիկ:

Հայկ Դավթյան