Ալեն Սիմոնյանը մատնեց Նիկոլ Փաշինյանին
ԱԺ փոխխոսնակ Ալեն Սիմոնյանը, լրագրողների հետ ճեպազրույցի ժամանակ,պատասխանելով այն հարցին, թե ինչքանո՞վ է նպատակահարմար Սահմանադրության մեջ մեկ հոդվածի փոփոխության համար հանրաքվե անելն, ասաց․ «Նպատակահարմար է։ Իսկ դուք պատկերացնո՞ւմ եք, թե ինչ վնաս կկրեր Հայաստանի Հանրապետությունը նման ձևով գործող Սահմանադրական դատարանի պարագայում։ Մենք քաղաքական գնահատականներից ենք հաճախ խոսում՝ մոռանալով այն ընտրությունների, որոշումներն ընտրություններից հետո տեղի ունեցած, այն միջազգային պայմանագրերը, որոնք գալու են և եկել են և այլն, և այլն»։
Ալեն Սիմոնյանի այս հայտարարությունից հետո շատերն արձանագրեցին, որ
փաստացի Ալեն Սիմոնյանը հաստատեց, որ ՀՀ ՍԴ-ի կազմի փոփոխությունն անհրաժեշտ է ներկայիս իշխանությանը «Կանանց նկատմամբ բռնության և ընտանեկան բռնության կանխարգելման և դրանց դեմ պայքարի մասին» Եվրոպայի խորհրդի կոնվենցիան՝ «Ստամբուլյան կոնվենցիան» վավերացնելու համար, քանի որ հենց այդ միջազգային փաստաթուղթն է, որը ցանկանում է վավերացնել իշխանությունը՝ չնայած որ այն հակասում է ՀՀ Սահմանադրությանը։
Իսկ «Ստամբուլյան կոնվենցիան» վավերացնելու համար անհրաժեշտ է, որպեսզի ՀՀ Սահմանադրական դատարանը եզրակացություն տա այն մասին, որ վերոնշյալ կոնվենցիան չի հակասում ՀՀ Սահմանադրությանը։ ՀՀ ՍԴ-ն իր ներկայիս կազմով, բնականաբար, չի տա նման եզրակացություն, հետևաբար իշխանության համար շատ կարևոր է հնարավորինս շուտ փոխել ՀՀ ՍԴ կազմը։
Սա հաստատեց նաև Ալեն Սիմոնյանն իր խոսքում՝ նշելով միջազգային պայմանագրերի մասին, որոնք եկել են։
Ըստ ամենայնի՝ հենց այս տարի է այդ կոնվենցիայի վավերացումը նախատեսված: Չնայած խոսակցություններ կային, որ դեռ անցած տարի պետք է լիներ, բայց իշխանություններն ամեն կերպ երկարաձգեցին ժամկետը, որպեսզի նախ ունենան իրենց ՍԴ-ն ու չտապալեն այդ կոնվենցիայի տապալումը:
Ինչ վերաբերում է ընտրություններին, ապա Սահմանադրական դատարանն իր գործող կազմող որևէ կերպ չխանգարեց «Իմ Քայլը» դաշինքին 2018 թվականի ԱԺ ընտրությունների ժամանակ, որոնց արդյունքում հաղթեցին և մեծամասնություն ձևավորեցին խորհրդարանում։
Ալեն Սիմոնյանը մատնեց Նիկոլ Փաշինյանի հակապետական ծրագրերը, սակայն Ստամբուլյան կոնվենցիան միակը չի լինելու, հանուն որի ընդունման իշխանությունը խնդիր է դրել գործող ՍԴ-ի ցրումը: Բացի այդ կոնվենցիայից Արցախի տարածքների հանձնելու վերաբերյալ որոշման, նախկինների դեմ հակաօրինական գործընթացները դատական պրոցեսները ՍԴ-ում չբեկանելու եւ բազում այլ հարցերի մասին: Այնպես որ, իշխանությունը կամաց-կամաց բացում է խաղաքարտերը:
Անի Սահակյան
Հետևեք մեզ Viber-ում
