Նիկոլ Փաշինյանը մտադիր է կրկին փոխել կառավարության կառուցվածքը

Նիկոլ Փաշինյնաը մտադիր է կրկին փոխել կառավարության կառուցվածքը: Այս անգամ կառավարության կառուցվածքում կավելանա նախարարություններրի թիվը` առնվազն մեկով: Նախատեսվում է ստեղծել Ներքին գործերի նախարարություն` այժմյան ոստիկանության փոխարեն: Նախօրեին հրապարակվել է Հայաստանի
Հանրապետության ոստիկանության բարեփոխումների ռազմավարությունը` համաձայն որի ստեղծվելու է Ներքին գործերի նախարարություն:

<< Անհրաժեշտ է ստեղծել ժողովրդավարական խորհրդարանական պետությանը բնորոշ կառուցվածք՝ քաղաքականության մշակման և իրականացման դասական գործառույթներով, այլ կերպ ասած ՝ ներքին գործերի նախարարություն, որն իր տանիքի տակ կմիավորի ոստիկանությանը բնորոշ և ոչ այնքան բնորոշ ֆունկցիաների
Իրականացումը և կարևորապես՝ իր համակարգման ոլորտի քաղաքականության
մշակումն, իրականացումն ու դրա պատասխանատվությունը։ Նախարարության ձևավորումը թույլ կտա ապահովել ոլորտի թե խորհրդարանական, և թե քաղաքացիական վերահսկողությանը։ Այս փոփոխությունը կենթադրի օրենսդրական բազայի, ինչպես նաև որոշ ներքին կառուցվածքային փոփոխություններ։
Քրեական նոր օրենսդրության կարգավորումների ու սկզբունքների լույսի
ներքո անհրաժեշտ է ոլորտային օրենսդրությամբ հստակեցնել նաև
ոստիկանության ֆունկցիաները քրեական դատավարության կարգով
իրականացվող նախաքննության առումով։ Մյուս կողմից, անհրաժեշտ է
հստակեցնել վարչական իրավախախտումների կանխարգելման ու
քննության ոլորտներում ոստիկանության տարբեր ծառայությունների
գործառույթները, համագործակցության մեխանիզմները։ Կարևոր է լինելու
նաև վերանայել սահմանային համալիր կառավարման պետական
գործառույթները ոստիկանությանը վերապահելու հարցը>>,- մասնավորապես նշվում է ռազմավարության մեջ, որը հրապարակվել է հանրային քննարկման։

Նշվում է նաև, որ անհրաժեշտ է ստեղծել Պարեկային ոստիկանություն` տուժողներին արագ օգնության հասնելու և որակյալ, անհետաձգելի բժշկական, հոգեբանական օգնություն ցուցաբերելու, իրավախախտումները կանխելու ու խափանելու, սահմանային ռեժիմի կառավարումն իրականացնող, իրավախախտներին հայտնաբերելուն աջակցելու, նրանց կողմից ցուցաբերվող դիմադրությանը համարժեք ֆիզիկական ուժ, հատուկ միջոցներ կիրառելու հմտություններ ունեցող ։
Կենտրոնն ունենալու է տեղեկատվական վերլուծության հնարավորություններ, ինչպես նաև փրկարար ծառայության (911) և շտապ օգնության (1-03) օպերատիվ
Կենտրոնների մշտական հենակետեր: Հետագայում կենտրոնին կմիանա նաև
Արտակարգ իրավիճակների նախարարության Ճգնաժամային կառավարման կենտրոնը:
Կադրերի վերապատրաստման համատեքստում նախատեսվում է վերափոխել Ոսըիկանության ակադեմիան և վերանայել ոստիկանության համակարգի աշխատավարձերը:

Հայկ Դավթյան