Որդիս Բոստոնից ուզում էր գալ, բայց զինադադարից հետո չեկավ.Նիկոյան
Հայելի ակումբում հրավիրված ասուլիսում ԱԺ պատգամավոր Սամվել Նիկոյանն անդրադարձավ ԼՂՀ-ում վերջին շրջանի լարվածությանը.«Քառօրյա պատերազմում մեր բանակը, զինվորները լուծում էին պարզ խնդիր՝ պաշտպանում էին իրենց հայրենիքը, ընտանիքը, արժանապատվությունը, բայց նրանք նաեւ կարեւոր ռազմաքաղաքական խնդիրներ լուծեցին:Միջնորդ երկրները սպասում էին, որ Լեռնային Ղարաբաղը դիմելու է իրենց օգնությանը, բայց այդպես չեղավ:Սահմանը շարունակում է պահել հայ զինվորը»: Ինչ վերաբերում է Արցախի ճանաչմանը, ապա պատգամավորի խոսքով, դա ընդունելի է իշխանությունների համար, պարզապես հիմա պահը չէ. «Մինսկի խմբից դժգոհություններ ունենալով հանդերձ, մենք հասկանում ենք, որ դա այն ձեւաչափն է, որով պետք է շարունակենք բանակցությունները: Մինսկի խմբի այլընտրանքը ոչ թե քառօրյա պատերազմն է, այլ ավելի երկարատեւ»: Ըստ Նիկոյանի՝ ՀՀ գործադիր մարմինը երեկվա նիստում հավանություն է տվել «Արցախի Հանրապետությունը ճանաչելու մասին» ՀՀ օրենքի նախագծի վերաբերյալ ԱԳՆ-ի եզրակացությանը, որն էլ ենթադրում է, որ ԱԺ համապատասխան հանձնաժողովում այդ հարցը կքննարկի ու արդյունքում կերևա՝ նախագիծը լիագումար նիստ կմտնի՞, օրակարգում կդրվի՞ , թե՞ ոչ: Լրագրողներից մեկի հարցին, թե սահմանային լարվածության օրերին երկրից մեկնող երիտասարդներ են եղել, Նիկոյանը նշեց, թե, օրինակ, Բոստոնում սովորող իր որդին տոմս էր գնել ու ապրիլի 5-ին պատրաստվում էր գալ Հայաստան, սակայն նրան տեղեկացրել են զինադադարի մասին:
Հետևեք մեզ Viber-ում
