ԻՊ ահաբեկիչները պատանդ են վերցրել ՄԱԿ-ի աշխատակիցների

Բուրկինա Ֆասոյի մայրաքաղաք Ուագադուգուում ահաբեկիչների կողմից գրավված հյուրանոցից առնվազն 63 պատանդ է ազատ արձակվել: Նրանց թվում կա մոտ 33 վիրավոր: Այս մասին հայտարարել է այդ երկրի կապի նախարարը: Ավելի վաղ նախարարը հայտնել էր 33 պատանդի ազատ արձակման մասին, որոնց թվում եղել է նաև նախարար: «Կան զոհեր, բայց հստակ տվյալներ չունենք: Գրոհը շարունակվում է, որին մասնակցում են Բուրկինա Ֆասոյի ուժերը՝  ֆրանսիական հատուկ ծառայության աջակցությամբ»,- Panorama.am-ի փոխանցմամբ՝ հայտարարել է նախարարը: Անհայտ անձինք նախօրեին հարձակվել են սրճարանի վրա, այնուհետև պատանդներ  վերցրել Ուագադուգուի Splendid հյուրանոցում, որտեղ հաճախ մնում են արևմտյան երկրներից ներկայացուցիչներ, այդ թվում նաև ՄԱԿ-ի աշխատակիցներ: Բուրկինա Ֆասոյի անվտանգության ուժերը սկսել են գրոհայինների կողմից գրավված հյուրանոցի գրոհը: Տեղի բուժհաստատության  տվյալներով, հարձակման զոհն է դարձել առնվազն 20 մարդ, ևս 15-ը տուժել է: Երկրի ներքին գործերի նախարարությունից հայտնել են, որ հրշեջ ծառայությունները հայտնաբերել են մոտ 10 դի ռեստորանի դիմաց: SITE մոնիտորինգային խմբի հաղորդմամբ, հյուրանոցի վրա հարձակումը անուղղակի իրականացրել է «Ալ-Մուրաբիտուն» խմբավորումը, որը նոյեմբերին գրավել էր հյուրանոց Մալիում: