«Նալբանդյան-Մամեդյարով՝պյած-նոլ»

Պրահայում Վիշեգրադյան քառյակի նիստում հայկական դիվանագիտությունը լուրջ հաղթանակ է գրանցել։ Սա ՀՀԿ մամուլի քարտուղար, ԱԺ փոխնախագահ Էդուարդ Շարմազանովի կարծիքն է, որը նա հայտնել է ՀՀԿ ԳՄ նիստից հետո, լրագրողների հետ զրույցում։ Ավելին, Շարմազանովը հիշեց հայտնի ռուսական երգը՝ այն վերաձեւակերպելով որպես «Նալբանդյան-Մամեդյարով՝պյած-նոլ»։ Շարմազանովը նաեւ անդրադարձավ Ադրբեջանում ամերիկյան մի կենտրոնի անցկացրած հարցմանը, ըստ որի Իլհամ Ալիեւը 96 տոկոս վարկանիշ ունի։ «Կարդացել եւ զարմացել եմ, որ 100 տոկոս չի ստացել։ Խղճով են եղել, 96 տոկոս են գրել»,- ասել է Շարմազանովը եւ հավելել. «Տոտալիտար, ավտորիտար երկրում նման է լինում, հաջորդ հարցումներում կարող են 120, 140 տոկոս խփել»։