ՀՔԾ-ից սելֆին հաճույքի համար չի արվել. թատրոնը ո՞րն է. Նիկոլ Փաշինյան (video)

Նիկոլ Փաշինյանի ներկայացրած 100 փաստի 91-րդ կետում նշված է, որ Հայաստանի պատմության մեջ առաջին անգամ երկրի գործող ղեկավարը Քննչական կոմիտեի հրավերով ներկայացել է նախաքննության մարմնի գրասենյակ և քննիչի աշխատասենյակում հարցաքննվել:

Նիկոլ Փաշինյանը անդրադարձավ քննիչի սենյակից լուսանկարը հրապարակելուն և ասաց.«Արձագանքում են, ասում են՝ «արա, դե էսի թատրոն ա էլի», մի հատ կարա՞ք բացատրեք ինչն ա թատրոն, վկային կանչել են, վկան գնացել ա քննիչի սեյնակ, ինչպես ՀՀ բոլոր վկաները, նստել է քննիչի սենյակում, հարց ա տվել պատասխանել է, ստեղ թատրոնը ո՞րն է»:

«Սելֆին, որ արվել է, հաճույքի համար չի արվել։Արվել է նրա համար, որ էն մյուս պաշտոնյաները, ում հրավիրում են իրավապահ մարմիններ, վեր կենան գնան, պռոբլեմ չսարքեն, չմիջնորդեն, որ լավ, թող քննիչը գա, իմ սենյակում հարցաքննի», - ասաց նա։

Վարչապետը ասաց, որ երեկ էլ առանց սելֆիի գնացել է քննիչի սենյակ ու պատասխանել վերջինիս հարցերին։

«Բանը հշեցի, «Կարգին հաղորդում»-ից հիշեցի, Նոր տարվանից առաջ մի հատ սկետչ էի դրել, արձագանքել էին՝ «ինչպիսի անլուրջ...», շատ կոնկրետ ուղերձ էր դրա մեջ, ես դրանով ցանկացել էի մեր բոլորի ուշադրությունը հրավիրել սնվելու մեր կուլտուրայի վրա», - ասաց ՀՀ վարչապետը։

Նիկոլ Փաշինյանն ասաց, թե որոշ շրջանակներ չեն կարող համակերպվել, որ ՀՀ վարչապետը կարող է հումորի զգացում ունենա։

«Պատկերացնո՞ւմ եք, ի՞նչ կատաստրոֆա է, բա քյարփինջն ինչի՞ համար ա, որ ՀՀ վարչապետը հումորի զգացում ունենա, նկատի ունեմ քյարփինջ դեմքի արտահայտությունը», - ասաց Փաշինյանը։