Երիտասարդ կադրերը՝ ցուցակներում․ Արցախի ընտրություններին ընդառաջ. ով է ֆավորիտը

10:24 - 25/հունվարի/2020

Դիտել նաև Երբ որոշ գեներալներ և պաշտոնյաներ իրենց որդիներին փախցնում էին Արցախից, կային հրամանատարներ, որ իրենց որդիներին ամենավտանգավոր դիրքերն էին ուղարկում. Գուրգեն Վարդանյան Ադրբեջանի ներկայացուցիչը փորձել է թույլ չտալ արցախցիների իրավունքների պաշտպանության խնդրի արծարծումը Տավուշում բնակվող 561 արցախցի ընտանիքներից 3-ն է ապահովվել բնակարանով ԵԺԿ-ն իր բանաձևում կոչ է արել ազատ արձակել գերիներին, անդրադարձել արցախահայերի վերադարձի իրավունքին

«Ժողովուրդ» թերթը գրում է «Ինչպես հայտնի է, մարտի 31-ին Արցախի Հանրապետությունում տեղի են ունենալու համապետական ընտրություններ: Սա առաջին դեպքն է, երբ Արցախում նախագահի եւ խորհրդարանի ընտրությունները նույն օրն են տեղի ունենում: «Ժողովուրդ» օրաթերթի տեղեկություններով՝ այս օրերին ընտրություններին մասնակցել պատրաստվող քաղաքական ուժերը հստակեցնում են իրենց նախընտրական ցուցակները:

Հայտնի է, որ ընտրություններին մասնակցել պատրաստվող «Ազատ հայրենիք» կուսակցությունը, որն այսօր Արցախում մեծամասնություն է կազմում խորհրդարանում, համարվում է ֆավորիտ ուժը: «Ժողովուրդ» օրաթերթը տեղեկացավ, որ «Ազատ հայրենիք» կուսակցության նախընտրական ցուցակում մեծ տեղ են զբաղեցնելու երիտասարդ, նոր դեմքերը: Իհարկե, կուսակցության նախընտրական ցուցակում, ամեն դեպքում, կլինեն նաեւ ավագ սերնդի ներկայացուցիչներ, որոնք իրենց անցած ճանապարհով եւ փորձով պետք է օգնեն թիմին, բայց շեշտադրումն արվելու է թարմ կադրերի վրա:

Ըստ էության, Արցախի ամենախոշոր կուսակցություն հանդիսացող «Ազատ հայրենիք» կուսակցությունն այսպես ձգտում է հասնել սերնդափոխության: Հավելենք, որ նախագահական ընտրություններում «Ազատ հայրենիք» կուսակցության թեկնածուն լինելու է Արայիկ Հարությունյանը՝ Արցախի նախկին վարչապետը: Նրա նկատմամբ ընդգծված դրական վերաբերմունք ունի նաեւ Հայաստանի հեղափոխական իշխանությունը»:

Առավել մանրամասն՝ թերթի այսօրվա համարում