Հայ բռնցքամարտիկները սկսում են առաջին ուսումնամարզական հավաքը

Հունվարի 18-ից փետրվարի 1-ը բռնցքամարտի Հայաստանի հավաքականը Կարեն Աղամալյանի գլխավորությամբ Աբովյանում կանցկացնի այս տարվա առաջին ուսումնամարզական հավաքը: Ինչպես հայտնում է Հայաստանի բռնցքամարտի ֆեդերացիայի մամուլի ծառայությունը, հավաքին կմասնակցեն 24 մարզիկներ, այդ թվում 4 աղջիկ: Արմեն Հարությունյանի գլխավորությամբ հավաքականի 6 մարզիկներ փետրվարի 1-6-ը կմասնկացեն Մինսկում կայանալիք Լիվենցևի անվան միջազգային մրցաշարին, իսկ փետրվարի 22-29-ը հավաքականի 7 մարզիկ Կարեն Աղամալյանի գլխավորությամբ կմասնակցեն Ստրանջայի 67-րդ միջազգային մրցաշարին: